पणजी | वृत्तसंस्था |
मंगळुरूकडून मुंबईकडे येणार्या एका ट्रेनवरच दरड कोसळली असून, मातीच्या ढिगार्याखाली ही गाडी सापडली आहे. शुक्रवारी कर्नाटकमधील मंगळुरू येथून मुंबईकडे येणारी ही गाडी अपघाताची शिकार झाली आहे. या घटनेचा व्हिडीओ आता समोर आला आहे. प्रसारमाध्यमांमध्ये येत असलेल्या वृत्तानुसार रेल्वे रुळावरून उतरण्याची ही घटना दुधसागर-सोनोलिम विभागात घडली आहे. मिळत असलेल्या माहितीमध्ये अपघातग्रस्त ट्रेनची ओळख 01134 मंगळुरू जंक्शन-सीएसएमटी एक्स्प्रेसच्या रूपात झाली आहे. विशेष बाब म्हणजे चिपळूण येथे आलेल्या पुरामुळे या रेल्वेच्या मार्गाण्त बदल करून ती मडगाव-मिरजमार्गे वळवण्यात आली होती. त्यातल्या त्यात दिलासादायक बाब म्हणजे या अपघातात कुठल्याही प्रकारची जीवितहानी झालेली नाही.
दरम्यान, अपघातग्रस्त ट्रेनमधील प्रवाशांना कुलेम येथे माघारी धाडण्यात आले आहे. दुधसागर आणि सोनोलिम स्टेशनांदरम्यान आणि करंजोल व दुधसागर स्टेशनांदरम्यान दक्षिण-पश्चिम रेल्वेच्या हुबळी डिव्हिजनच्या घाट विभागात दोन ठिकाणी भूस्खलनाच्या घटना घडल्या आहेत. सध्या या भागात वाहतूक पूर्ववत करण्याचे काम सुरू आहे.