सक्षमतर्फे करिअर मार्गदर्शन

| सोगाव | वार्ताहर |

रायगड जिल्ह्यामध्ये विविध शैक्षणिक कार्यक्रम राबवणार्‍या सक्षम एज्युकेशन सोसायटीतर्फे कामार्ले येथे रविवार दि.14 जानेवारी रोजी इयत्ता सातवी व पुढील शिक्षण घेणार्‍या विद्यार्थ्यांसाठी करिअर मार्गदर्शन शिबिराचे आयोजन करण्यात आले होते. कामार्ले येथील गणेश मंदिरात श्रीफळ वाढवून सदर कार्यक्रमास सुरवात करण्यात आली. या कार्यक्रमात सूचिता साळवी स्वयंसिद्धा संस्थेच्या अध्यक्षा, शार्दूल काठे, परेश सुर्वे, योगेश पवार कलाकार यांनी उपस्थित विद्यार्थ्यांना मार्गदर्शन केले. यावेळी संस्थेचे सदस्या शुभांगी कुलकर्णी, अक्षय म्हात्रे, प्रसन्न ठाकूर, सागर तरंगे, विलास पाटील तसेच या शिबिरात कामार्ले पंचक्रोशीतील विद्यार्थी व त्यांचे पालक मोठ्या संख्येने उपस्थित होते. कामार्ले गावातील गणेश पाटील व योगिता गणेश पाटील यांच्या पुढाकारातून या कार्यक्रमाचे आयोजन करण्यात आले होते.