ipl2023!अंतिम सामन्यासाठी धोनीवर घातली जाणार बंदी?

| नवी दिल्ली | वृत्तसंस्था |
गुजरात टायटन्सचा पराभव करत चेन्नईचा संघ थेट अंतिम फेरीत पोहोचला आहे. 2023 चा पहिला क्वालिफायर सामना गुजरात टायटन्स आणि चेन्नई सुपर किंग्ज यांच्यात (दि.23) खेळवला गेला. या सामन्यात चेन्नईने शानदार विजय नोंदवला आणि थेट अंतिम फेरी गाठली. त्याचबरोबर गुजरातला आता दुसऱ्या क्वालिफायरमध्ये मुंबईचा सामना करावा लागणार आहे. पण, आता या सामन्यात धोनीच्या खेळण्यावर बंदी घालण्यात येईल, असे म्हटले जात आहे.

23 मे रोजी गुजरात विरुद्ध खेळल्या गेलेल्या सामन्यात, एमएस धोनी आणि मथिशा पाथिराना यांनी षटकासंबंधित मुद्द्यावर अंपायरशी बोलले आणि यामुळे सामना बराच वेळ थांबला होता. आता ऑस्ट्रेलियाच्या माजी क्रिकेटपटूने ट्विट करून या प्रकरणावर प्रश्न उपस्थित केले आहेत. महेंद्रसिंग धोनीचे मन संगणकापेक्षाही वेगाने धावते, हे आपण सर्वांनीच अनुभवले आहे. मंगळवारी गुजरात टायटन्ससोबत झालेल्या सामन्यातही माहीने संघाला अंतिम फेरीचे तिकीट मिळवून दिले. मात्र, आता त्या सामन्यादरम्यानच एक वाद सध्या चर्चेचा विषय बनला आहे. गुजरातच्या डावातील 12व्या षटकात पाथीराना काही वेळासाठी मैदानाबाहेर गेला. तो परतल्यावर माहीने त्याला 16वे षटक टाकण्यास सांगितले. यावरून धोनी आणि अंपायर यांच्यात वाद झाला आणि सामना थांबवण्यात आला. पण त्या वादविवादानंतर पाथिरानाने 16वे षटक टाकले.

आयपीएलच्या नियमांबद्दल सांगायचे तर, जर एखादा खेळाडू अंतर्गत दुखापतीमुळे किंवा इतर कारणांमुळे उपचारासाठी मैदानाबाहेर गेला तर मैदानात परतल्यानंतर त्याला तेवढाच वेळ मैदानावर घालवावा लागेल. तरच तो गोलंदाजी करू शकतो. हा नियम कळताच, माहीने चतुराईने मैदानात मध्येच सामना थांबवला आणि चर्चेमध्ये तेवढा वेळ गेल्यानंतर पथिरानाने 16वे षटक टाकले.

वृत्तांच्या मते, धोनी मैदान सज्ज करत होता तेव्हा त्याने पंच मथिशा पथिरानाशी बोलताना पाहिले. यानंतर धोनी स्क्वेअर लेगवर उभ्या असलेल्या अंपायर ख्रिस गॅफरी यांच्याकडे गेला आणि अंपायर त्याच्याशी काय बोलत आहे हे त्याला समजले. अशा परिस्थितीत जेव्हा धोनीला समजले की पथिराना नियमानुसार लगेच गोलंदाजी करू शकत नाही. त्यामुळे तो पंचांशी बोलला, त्याच्याकडे पथिरानाशिवाय गोलंदाजीचा दुसरा पर्याय नव्हता. या संवादादरम्यान सामना 4-5 मिनिटे सामना थांबून राहिला आणि त्यानंतर पथिरानाचा मैदानातील वेळ त्यादरम्यान पूर्ण झाला आणि त्याला गोलंदाजी करण्याची परवानगी देण्यात आली आणि धोनीची चाल यशस्वी झाली.

या प्रकरणावर ब्रॅड हॉग यांनी ट्विट शेअर केले की, धोनीने आपल्या तिथे असण्याचा फायदा घेतला आणि पंचांना त्याच्या बोलण्यात 4 मिनिटे गोंधळात टाकले. जेणेकरून त्याला पाथीरानाकडून 16वे षटक मिळू शकेल. पंचानी स्थिती हातात ठेवायला हवी होती. पण तो हसत होता, जे अजिबात योग्य नव्हते. तेव्हापासून असे बोलले जात आहे की एमएसने जाणूनबुजून वेळ वाया घालवला आणि अधिक कठोर कारवाई करून अंतिम सामन्यासाठी त्याला दंड किंवा बंदी घातली जाऊ शकते.

अनफेअर प्ले नियम
क्षेत्ररक्षण करताना वेळ वाया घालवणाऱ्या अनफेअर प्ले नियम, 41.9 अंतर्गत ला दंड ठोठावण्याचा पंचांनी विचार केला का, हा प्रश्न अजूनही कायम आहे. नियमानुसार, अंपायरने क्षेत्ररक्षण करणाऱ्या संघाला असे केल्याबद्दल ताकीद द्यावी लागते आणि जर त्यांना असे वाटले की षटकांदरम्यान जाणीवपूर्वक वेळ वाया जात आहे, तर पुन्हा असे केल्यास संघाला 5 धावांचा दंड आकारला जातो आणि गोलंदाजाला निलंबित देखील केले जाऊ शकते. मात्र, हा नियम मोडला की नाही, हे पंचाच्या हातात आहे.