पांडवकडा परिसरात वन कर्मचारी तैनात
पोलिसांकडून बंदी असल्याचे फलक
| पनवेल | वार्ताहर |
खारघरमधील पांडवकडा धबधबा परिसरात कोणतीही दुर्घटना घडू नये यासाठी पनवेल वन विभागातर्फे कर्मचारी तैनात करण्यात आले आहेत. तर, खारघर पोलिसांकडून धोकादायक पर्यटनस्थळावर जाण्यास बंदी असल्याचे फलक खारघर परिसरातील पांडवकडा धबधबा परिसर तसेच रस्त्यावरील दर्शनी भागात लावण्यात आले आहेत.
दरम्यान, खारघर येथील पांडवकडा धबधबा, आजुबाजूचा नयनरम्य निसर्ग परिसर नवी मुंबई आणि पनवेल परिसरातील हजारो पर्यटकांचा पावसाळी पर्यटनासाठी आकर्षणाचा केंद्रबिंदू ठरला आहे. पाऊस चांगला रुळल्यावर पर्यटकांचा ओघ पांडवकडा धबधब्याकडे चालू होतो. मात्र, खारघर परिसरातील तलाव तसेच पांडवकडा धबधब्याच्या प्रवाहात गेल्या 15 वर्षात तीसपेक्षा अधिक पर्यटक वाहून गेल्याची घटना घडली आहे. विधानसभा सभागृहात पुणे येथील धबधब्याचा मुद्दा उपस्थित झाल्यानंतर मुख्यमंत्री एकनाथ शिंदे यांनी दिलेल्या निर्देशानंतर रायगड जिल्हाधिकाऱ्यांच्या आदेशानुसार वन विभागाकडून पांडवकडा धबधबा परिसरात दोन कर्मचारी तैनात करण्यात आले आहेत. तसेच खारघर पोलिसांकडून पांडवकडा धबधबा आणि तलाव परिसर पर्यटन प्रतिबंधीत क्षेत्र घोषित करुन मनाई आदेशाचे फलक लावण्यात आले आहेत.
पांडवकडा धबधबा परिसरात दुर्घटना घडू नये यासाठी वनविभागाकडून दोन कर्मचारी तैनात करण्यात आले आहेत.
डी.एस. सोनावणे, वन परिक्षेत्र अधिकारी, वनविभाग, पनवेल
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.