एचपी ग्रुप कंपनीच्या व्यवस्थापकाला अटक

| खोपोली | वार्ताहर |

कंपनीतील मालाची अफरातफर केल्याच्या आरोपावरुन नारंगी, ता. खालापूर येथील एचपी ग्रुप कंपनीचा व्यवस्थापक निलू दळवीला खालापूर पोलिसांनी अटक केली आहे. त्याच्या अटकेमुळे अनेक मासे गळाला लागण्याची शक्यता वर्तविली जात आहे.

निलू दळवी हा 2014 पासून कामावर कार्यरत असून त्यांच्यावर कारखानदार मालकाने वर्क मॅनेजरची जबाबदार दिली होती, ही जबाबदारी सांभाळत असताना कारखानदार मालकाच्या विश्वासाला पात्र न राहता जाता पैसा कमविण्याच्या उद्देशाने निलू दळवींनी एच.पी.ग्रुप कारखान्यातील साहित्य चोरी करणे, कंपनी मधील ठेकेदारांकडून तसेच विक्रेत्यांकडून टक्केवारी घेणे, याच कारखान्याच्या जोरावर सारखाच उत्पादन करून स्वत:चा दुसरा उदयोगधंदा चालवणे व त्याच बरोबर कारखान्यातील कामगार आपल्या उदयोगधंद्यात राबवून घेऊन लाखोचा नफा मिळविणे, असा धंदा सुरू केला असता निलू दळवीच्या चोरीचा भांडा उघडकीस आल्याने त्याला खालापूर पोलिसांनी अटक केली आहे.