तालुक्यातील विनापरवाना देशी दारू जप्त
| पनवेल | वार्ताहार |
पनवेल तालुक्यातील करंजाडे वसाहतीमध्ये विनापरवाना देशी दारूची विक्री करणार्‍या इसमावर पनवेल शहर पोलिसांनी कारवाई करत दारूच्या बाटल्या जप्त केले. करंजाडे सेक्टर 2 येथील त्रिवेणीधाम मंदिराजवळील टपरीमध्ये एक इसम देशी दारूची विक्री करत असल्याची माहिती पनवेल शहर पोलिसांना मिळाली. त्यानुसार पोलिसांनी तपासणी केली असता सदर इसम देशी दारूच्या बाटल्या सह आढळून आला. पनवेल शहर पोलिसांनी त्याच्याविरुद्ध कारवाई करत 350 रुपये किमतीच्या दारूच्या बाटल्या जप्त केल्या आहेत.
