बदलापूर स्थानकाजवळ लोकलमधून पडून महिला गंभीर जखमी

| मुंबई | प्रतिनिधी |

बदलापूर स्टेशनजवळ लोकलमधून पडून महिला गंभीर जखमी झाल्याची घटना समोर आली आहे. आज शुक्रवार (दि.07) सकाळी 9 वाजताच्या सुमारास ही घटना घडली आहे. कर्जतहून सीसीएसएमटीला जाणारी लोकल बदलापूर स्थानकात आली होती. दरम्यान प्रचंड गर्दी असल्यामुळे धावत्या लोकलमधून ती खाली पडली. रेल्वे पोलिसांनी महिलेला तात्काळ रुग्णालयात उपचारासाठी दाखल केले आहे.

एक महिला धावत्या ट्रेनमधून खाली पडली आहे. कर्जतहून सीसीएसएमटीकडे जाणारी लोकल बदलापूरला आली होती. ही लोकल 8 वाजून 59 मिनिटांनी बदलापूर स्थानकावर पोहोचली. कर्जतहून आल्यामुळे लोकलमध्ये प्रचंड गर्दी होती. यात ती महिला चढली, गर्दी अल्यामुळे ती दाराजवळच उभी होती. मात्र, लोकल सुटल्यानंतर महिला धावत्या लोकलमधून खाली पडली आहे. कल्पना जेडिया असे महिलेचे नाव आहे. या महिलेच्या डोक्यात जबर मार लागला असून, रेल्वे पोलिसांनी तातडीने त्या ठिकाणी धाव घेत. महिलेला रूग्णालयात उपचारासाठी दाखल केले आहे. बदलापूर रेल्वे स्थानकावर तब्बल अर्धा तास एकही लोकल उपलब्ध नव्हती. त्यामुळेच ही लोकल पकडण्यासाठी प्रवाशांची मोठी गर्दी जमली होती. मात्र ,ही लोकल कर्जतवरून सुटल्यामुळे आधीच प्रवाशांनी खचाखच भरलेली होती. त्यामुळे बदलापूरकरांना दारात लटकून प्रवास करावा लागला होता.