तीनविरा येथे विधी साक्षरता शिबीर

| वाघ्रण | वार्ताहर |

जिल्हा विधी सेवा प्राधिकरण अलिबाग यांच्यावतीने तीनविरा येथील टी.टी. पाटील विद्यामंदिरात विधी साक्षरता व जनजागृती शिबीर गुरूवारी (दि.26) पार पडले. या कार्यक्रमाला प्रमुख पाहुणे म्हणून माननीय वरिष्ठ दिवाणी न्यायाधीश तेजस्विनी निराळे या उपस्थित होत्या. जिल्हा विधी सेवा प्राधिकरण हे कायम गोरगरिबांच्या हितासाठी काम करते. तसेच, शाळेला लागणाऱ्या कायदेशीर गोष्टी आम्ही सातत्याने तुम्हाला पुरवू व या सुंदर अशा कार्यक्रमाचे नियोजन केल्याबद्दल निराळे यांनी शाळेचे अभिनंदन केले. तसेच, पॅनल वकील ॲड. मनीषा नागावकर यांनी गुड टच बॅड टच व पोस्को कायद्याच्या माहितीसह बालकांच्या हक्कांची माहिती दिली. तसेच, विधी स्वयंसेवक रुपेश पाटील यांनी विधी सेवा कार्या विषयी प्रास्ताविक केले. या कार्यक्रमाला 5 वी ते 10 वीचे विद्यार्थी उपस्थित होते. विनोद तांडेल यांनी सूत्रसंचालन केले. तर, कार्यक्रम यशस्वी होण्यासाठी हेमंत भगत, नलिनी भगत तसेच सर्व शिक्षक वृंद व कर्मचारी यांनी परिश्रम घेतले.