यशश्री शिंदेच्या कुटुंबियांना मदत
| उरण | प्रतिनिधी |
उरणमध्ये यशश्री शिंदे हत्येनंतर केंद्रीय सामाजिक न्याय व सक्षमीकरण राज्यमंत्री तथा आरपीआयचे राष्ट्रीय अध्यक्ष रामदास आठवले यांच्यासमवेत स्थानिक आरपीआय नेते संजय गायकवाड यांच्यासह इतर नेते व कार्यकर्ते यांनी पीडितेच्या घरी जाऊन कुटुंबीयांची भेट घेतली होती. त्यावेळी कुटुंबाची परिस्थिती पाहून त्यांनी शासकीय नोकरी व आर्थिक मदत देण्याची घोषणा केली होती. दिलेला शब्द पाळत पीडित कुटुंबाला सुमारे 8 लाखांची आर्थिक मदत, तसेच शासकीय नोकरी लाभार्थी मानून अनुष्का शिंदे हिला देण्यात आली आहे. ही नोकरीचे परिपत्रक रामदास आठवले यांच्या उपस्थितीत व मुख्यमंत्री देवेंद्र फडणवीस यांच्या हस्ते दि.20 मार्च रोजी ‘चवदार तळे सत्याग्रह दिना’च्या औचित्याने विजय स्तंभ येथे प्रदान करण्यात आले. पीडित कुटुंबाला न्याय मिळवून देण्यासाठी रिपब्लिकन पार्टी ऑफ इंडिया पक्षाचे नेते रामदास आठवले व त्यांच्या सहकाऱ्यांनी विशेष प्रयत्न केले. तसेच, त्यांच्या मार्गदर्शनाखाली उरण तालुका अध्यक्ष संजय गायकवाड व स्थानिक कार्यकर्त्यांनी सातत्याने पाठपुरावा केल्याने कुटुंबियांनी आभार व्यक्त केले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.