भीषण अपघात! एकाच कुटुंबातील 10 जणांचा मृत्यू
अहमदाबाद | वृत्तसंस्था |
गुजरातमध्ये भीषण अपघात झाला असून एकाच कुटुंबातील 10 जणांचा मृत्यू झाला आहे. आनंद जिल्ह्यातील तारापूर हायवेवर हा भीषण अपघात झाला आहे.
कुटुंब प्रवास करत असलेल्या कारची ट्रकला धडक होऊन हा अपघात झाला. अपघात इतका भीषण होता की, कुटुंबातील 10 जणांना आपला जीव गमवावा लागला आहे. हे कुटुंब सूरत येथून भावनगरसाठी निघालं होतं. यावेळी इंद्रनज गावाजवळ त्यांच्या कार आणि ट्रकमध्ये धडक होऊन अपघात झाला. अपघातात मृत्यू झालेल्यांमध्ये दोन महिला, सात पुरुष आणि एका लहान मुलाचा समावेश आहे.
सर्व मृतदेह तारापूर रुग्णालयात पाठवण्यात आले आहेत. अपघातानंतर राज्याचे मुख्यमंत्री विजय रुपानी यांनी जिल्हाधिकार्‍यांशी चर्चा केली असून मृत्यूमुखी पडलेल्यांच्या कुटुंबाला मदत करण्याचं आश्‍वासन दिलं आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.