राष्ट्रीय लोक अदालतीत 1382 प्रकरणे निकाली

| पनवेल | वार्ताहर |

दाखलपूर्व आणि प्रलंबित खटल्यांचा निपटारा व्हावा आणि प्रलंबित खटले सामोपचाराने मिटावेत या हेतूने आयोजित केलेल्या रविवारी (दि.3) पनवेल न्यायालयात अनेक प्रकरणे निकाली काढण्यात आली. वादपूर्व आणि दाखल असलेली अशी एकूण 1382 प्रकरणे सामंजस्याने मिटवण्यात यश आले आहे, अशी माहिती अध्यक्ष, तालुका विधी सेवा समिती, पनवेल तथा जिल्हा न्यायाधीश जयराज वडणे यांनी दिली.

पनवेल न्यायालयात आयोजित केल्या गेलेल्या लोक अदालतीमध्ये वादपुर्व व प्रलंबित अशी एकूण 15385 प्रकरणे ठेवण्यात आली होती. त्यापैकी 10695 वादपूर्व प्रकरणापेकी 812 आणि 4690 प्रलंबित खटल्यांपैकी 570 अशी एकूण 1382 प्रकरणे सामंजस्याने मिटवून लोक अदालतीमध्ये निकाली काढण्यात आली.

पक्षकारांना एकूण 4 कोटी 39 लाख 36 हजार 18 रुपयांची तडजोड रक्कम मिळवून देण्यात आली. पनवेल वकील संघटनेचे अध्यक्ष अ‍ॅड. मनोज भुजबळ आणि संपूर्ण कार्यकारणी मंडळ यांचे विशेष सहकार्य मिळाले. लोक अदालत एस.आर. चव्हाण, ए.ए. गोडसे, एन.पी. पवार, एन. आर. इंदलकर, एन.आर. पाटील, एम. डी. सैंदाणे, अ‍ॅड. मनीषा गावंडे, अ‍ॅड. स्वाती सोनवणे, अ‍ॅड. मनीषा गायकर, अ‍ॅड. पूर्णिमा सुतार, अ‍ॅड. एच.के. मिरगुंडे आणि अ‍ॅड. समिना खान यांनी पंच म्हणून काम पाहिले.