रायगड जिल्ह्यात 251 रुग्ण; शुन्य मृत्यू, 608 कोरोनामुक्त

। अलिबाग । विशेष प्रतिनिधी ।
रायगड जिल्ह्यात बुधवार दि. 2 फेबु्रवारी रोजी कोरोनाच्या 251 नव्या रुग्णांची नोंद झाली असून उपचारादरम्यान आज एकाही रुग्णाचा मृत्यू झाला नसल्याने दिलासा मिळाला आहे. तर दिवसभरात 608 रुग्ण कोरोनामुक्त झाले अशी माहिती जिल्हा प्रशासनाने दिली.
फेबु्रवारी पनवेल महापालिका हद्दीत 95, पनवेल ग्रामीण 21, उरण 11, खालापूर 18, कर्जत 6, पेण 17, अलिबाग 37, मुरुड 6, माणगाव 12, तळा 1, रोहा 6, श्रीवर्धन 2, म्हसळा 5 तर महाड 14 असे 326 रुग्ण आढळले. सुधागड, पोलादपूर या दोन तालुक्यात आज एकही नवीन रुग्ण आढळला नाही.
आतापर्यंत रायगड जिल्ह्यातील एकूण कोरोना बाधित रुग्णांची संख्या 2 लाख 12 हजार 302 झाली आहे. यापैकी 2 लाख 4 हजार 228 रुग्ण कोरोनातून बरे झाले आहेत. तर मृतांचा आकडा 4 हजार 652 वर गेला आहे. सद्यस्थितीत 3 हजार 422 सक्रीय रुग्ण कोरोनावर उपचार घेत आहेत.