। पनवेल । वार्ताहर।
राज्य उत्पादन शुल्क भरारी पथक क्र.2 पनवेल विभागाने पनवेलजवळील तक्का येथे आज 2 दोन आरोपींना ताब्यात घेवून त्यांच्याकडून जवळपास 45 लाखाच्या गांजासह गुन्ह्यात वापरलेले वाहन जप्त केले आहे.
पनवेल मुंब्रा हायवेच्या डाव्या बाजुस स्टार वेल्डींग समोर, तळोजे पाचनंद, से. नं. 40, तळोजे येथे 2 दिवसापूर्वी 1 कोटी रूपये किमंतीचा जास्त किमंतीचा गांजा हा अंमली पदार्थाचा मोठासाठा व एक चारचाकी एक्सयुव्ही 500 वाहन जप्त केले होते. व दोन आरोपींना अटक केलेली होती. सदर आरोपींना कार्यालयात चौकशीकामी आणले असता आरोपी परवेझ शेख याच्या मोबाईलवर एका अनोळखी इसमाचा कॉल आला त्याने अंकल मी पनवेल येथे माल घेऊन आज सायंकाळी 5 ते 6 वाजेदरम्यान ईनोव्हा गाडीने येत आहे असे बोलला.
सदर इसमाशी राज्य उत्पादन शुल्क अधिकारी यांनी सुध्दा ते अंकलच आहेत असे बोलून त्याला तु सदर माल घेऊन तक्का पनवेल येथे जुना मुंबई-पुणे रोडवर पंचमुखी मारूती मंदिरसमोर ये असे बोलले. त्यानुसार हनोझ होशी इंगीनीर (इंजिनियर) रा. लोणावळा, व दिवा उंबरे यांना चारचाकी वाहन ईनोव्हाने ते मालासह तक्का पनवेल येथे आले व अलगदपणे राज्य उत्पादन शुल्क विभागाच्या सापळ्यात अडकले. सदर आरोपींच्या ताब्यातून 135 किलो गांजासह एक चारचाकी ईनोव्हा वाहन असा एकुण 45,75,000 रूपये किमंतीचा मुद्देमाल ताब्यात घेतला आहे.
45 लाखांच्या गांजासह वाहन जप्त
