। तेलंगणा । वृत्तसंस्था ।
तेलंगणामध्ये 13 वर्षांच्या अल्पवयीन मुलीवर आठ महिने बलात्कार करण्यात आल्याची धक्कादायक घटना समोर आली आहे. पीडित तरुणीला जबदस्तीने देहविक्री व्यवसायात ढकलण्यात आले होते. पोलिसांना गुंटूर येथून या मुलीची सुटका केली आहे. पोलिसांनी तपास केला असता आठ महिन्यात तब्बल 80 जणांनी या मुलीवर सामूहिक बलात्कार केल्याचे समोर आले आहे. पोलिसांनी याप्रकरणी सर्व 80 नराधमांना बेड्या ठोकल्या आहेत. पोलिसांनी मंगळवारी 10 जणांना अटक केली असून यामध्ये एका बी.टेक विद्यार्थ्यांचाही समावेश आहे. अजून काही आरोपी यामध्ये सामील असण्याची शक्यता असून पोलीस त्यांचा शोध घेत आहेत.
पीडित मुलीची आई करोना झाल्याने जून 2021 मध्ये रुग्णालयात दाखल होती. यावेळी सवर्ण कुमारी नावाच्या एका महिलेने तिच्या आईशी मैत्री केली होती. उपाचारादरम्यान आईचा मृत्यू झाल्यानंतर महिलेने तिच्या वडिलांना माहिती न देता सोबत घेऊन गेली होती. ऑगस्ट 2021 मध्ये पीडित मुलीच्या वडिलांनी पोलीस ठाण्यात तक्रार दाखल केली. तपासादरम्यान पोलिसांना मुख्य आरोपी असणार्‍या सवर्ण कुमार या महिलेची ओळख पटली. जानेवारीमध्ये याप्रकरणी पहिली अटक करण्यात आली आणि मंगळवारी 19 एप्रिलला पोलिसांनी आणखी 10 जणांना अटक केली ज्यामध्ये एका विद्यार्थ्याचा समावेश आहे. यावेळी त्यांनी पीडित मुलीची सुटका केली.
तेलंगणात 80 नराधमांचा मुलीवर आठ महिने अत्याचार
