विशाखा गंगावणे राज्यस्तरीय कुस्ती स्पर्धेत

। कर्जत । वार्ताहर ।
जिल्हास्तरीय चाचणी स्पर्धेत कर्जत तालुक्यातील कडाव येथील 18 वर्षीय विशाखा राजेंद्र गंगावणे हिची 53 किलो वजन गटाच्या महाराष्ट्र राज्याच्या कुस्ती संघात निवड झाली आहे. रायगड जिल्हा कुस्तीगीर संघ, खालापूर तालुका कुस्तीगीर संघ आणि लायन्स क्लब खोपोली यांच्या संयुक्त विद्यमाने जिल्हास्तरीय 23 वर्षांच्या आतील मुलामुलींची कुस्ती निवड चाचणी नुकतीच लायन्स क्लब खोपोलीच्या सभागृहात संपन्न झाली. ग्रीको रोमन आणि फ्रि स्टाईल प्रकारच्या कुस्त्या सुसज्ज पद्धतीने खेळल्या गेल्या. सदर जिल्हास्तरीय चाचणी स्पर्धेत कर्जत तालुक्यातील कडाव येथील 18 वर्षीय विशाखा गंगावणे हिची 53 किलो वजन गटाच्या महाराष्ट्र राज्याच्या कुस्ती संघात निवड झाल्याने कडाव परिसरातून तिच्यावर कौतुकाचा वर्षाव होत आहे.