राष्ट्रीय पल्स पोलिओ मोहिमेला प्रचंड प्रतिसाद

| तळा | वार्ताहर |

राष्ट्रीय पल्स पोलिओ मोहिम तळा तालुक्यात प्राथमिक आरोग्य केंद्राकडून (दि.3) मार्च रोजी राबवली गेली असुन या कार्यक्रमाचे उद्घाटन उपनगराध्यक्ष मा. चंद्रकांत रोडे यांचे हस्ते व राष्ट्रवादी तालुका अध्यक्ष नाना भौड याचे उपस्थीत करण्यांत आले. यावेळी आरोग्य अधिकारी डॉ. गजेंद्र मोघे आरोग्य सहाय्यक नरेश नांदगांवकर आरोग्य सेविका तनुजा मुळे ए. एन्‌‍‍. ऐम. ज्योती गुन्डीले आशाताई अंगणवाडी सेविका उपस्थीत होत्या. तालुका वैद्यकिय अधिकारी डॉ. वंदन पाटील यांच्या नियोजना खाली मोहीम तालुक्यात राबवली. पाच उपकेंद्र असून 51 बुथ वर शुन्य ते पाच वर्षे वयोगटातील बालकांना डोस देण्यात आले.

केंद्रात 22124 बालकांची संख्या असून अपेक्षीत उद्दीष्ठ 1144 होते सद्यस्थीतीत 1038 बालकांनी लाभ घेतला 91 टक्के पहिल्या मोहिमेत यशस्वी झाली. तळा शहरात एस्‌‍‍ टी बस स्थानक,आरोग्य केंद्र येथे सोय करण्यात आली होती. जागतिक आरोग्य संघटनेने 1988 मध्ये पोलिओ निर्मूलनाचे ध्येय निश्चित केल्यानंतर राज्यात 1995 पासून राष्ट्रीय पल्स पोलिओ लसीकरण मोहीम दरवर्षी राबवण्यात येत आहे. यामध्ये पाच वर्षां खालील सर्व बालकांना पोलिओची लस देण्याचे उद्दिष्ट निश्चित करण्यात आले आहे. पाश्चिमात्य देश ‌‘पोलिओमुक्त’ झाले ते मुख्यत: कुपोषण व सार्वजनिक अस्वच्छतेवर मात करूनच करू शकतो असा संशोधनात सिध्द झाले. पोलिओ लसीचा उपयोग फक्त पूरकच होता. वरील सर्व बाबी लक्षात घेता इतर अनेक जंतुजन्य आजारांप्रमाणे पोलिओ बाबतही निर्मूलनाचे नव्हे तर नियंत्रणाचे उद्दिष्ट ठेवले त्यामुळे पोलीओ मुक्त भारत होत आहे.

गेली 25 वर्षे सातत्याने पोलिओ निर्मूलनाकरिता सर्व जण योगदान देत आहेत. भारतात 2011 नंतर आजतागायत एकही पोलिओ रुग्ण आढळून आलेला नाही. राज्यात 3 मार्चला ग्रामीण व शहरी भागातील 5 वर्षा पर्यंतच्या बालकांना लसीकरण केंद्रावरून पोलिओची लस दिली या कामी सर्व आरोग्यकर्मचारी, अंगणवाडी सेविका, आशाताई यांच्या सहकार्याने मोहिम यशस्वी झाली.