एम.आर.एच. फणसवाडी चषक

भारती इलेव्हन डोंगरी मानकरी

| पाली/गोमाशी | वार्ताहर |

एम.आर.एच.क्रीडा संघ मुबंई मंडळ व ग्रामस्थ मंडळ फणसवाडी यांच्या वतीने सालाबादप्रमाणे ओव्हर आर्म क्रिकेट स्पर्धा शनिवार, रविवार (दि.2) व (दि. 3) मार्च फणसवाडी येथे लक्ष्मीबाई सावंत मैदानावर आयोजित करण्यात आले होते. या स्पर्धेचे उद्घाटन शिवसेना( उबाठा) शाखा प्रमुख कळंबोली महेश दिघे, मा सरपंच भूषण सुतार, सामाजिक कार्यकर्ते मंगेश सोनवणे, मा सरपंच ज्ञानेश्वर नांदगावकर, दिपक भोईर मंडळाचे पदाधिकारी, ग्रामस्थ आदी मान्यवरांच्या उपस्थितीत संपन्न झाला. या स्पर्धेत जिल्ह्यातील 24 नामवंत संघाने आपला प्रवेश नोंदविला होता. या स्पर्धेसाठी जिल्ह्यातील क्रीडारसिकांनी गर्दी केली होती. या स्पर्धेतील अंतिम सामना फणसवाडी विरुद्ध डोंगरी या संघात झाला.

या अंतिम सामन्यात भारती इलेव्हन डोंगरी या संघातील खेळाडूनी भेदक गोलंदाजी आणि उत्कृष्ट फलंदाजी करत या स्पर्धेतील अंतिम विजयावर मोहर उमटवली. या संघास रोख रक्कम 30 हजार रु व आकर्षक चषक तर द्वितीय क्रमांकांचा मानकरी एम आर एच फणसवाडी हा संघ ठरला या संघास रोख रक्कम 20 हजार रु व आकर्षक चषक तर या स्पर्धेतील भैरवनाथ गावठाण या संघास तृतीय क्रमांकांवर समाधान मानावे लागले. या संघास 10 हजार रु व आकर्षक चषक तसेच चतुर्थ क्रमांकाचा मानकरी राजे इलेव्हन आंबोलेवाडी हा ठरला. या संघास रोख रक्कम 7 हजार व आकर्षक चषक विजयी संघांना आणि स्पर्धेतील मॅन ऑफ द सिरीज कौस्तुभ म्हात्रे (कुलर), मॅन ऑफ द मॅच(टी शर्ट ), उत्कृष्ट फलंदाज सागर शिंगरे (स्मार्ट वाँच), उत्कृष्ट गोलंदाज ओम बांदल (टेबल फॅन), उत्कृष्ट क्षेत्ररक्षक महेश पवार (इअर बड्स) या खेळाडूंना सामाजिक कार्यकर्ते दामोदर पार्टे, राम वांद्रे, राजेंद्र उतेकर, अनिल सावंत, विनोद पार्टे, प्रवीण खराडे, निलेश शिंगरे, राकेश कानाडे, सुधीर शिंदे, सुभाष जाधव, गणेश कदम, गणेश शिंदे, गोरखनाथ सावंत, सुभाष करंजे, सागर शिंगरे, मनोज खराडे, प्रभाकर गायकवाड, महेंद्र जाधव, संजय शिंदे ग्रामस्थ तसेच मंडळाचे पदाधिकारी आदी मान्यवरांच्या उपस्थितीत आकर्षक बक्षिसे देऊन सन्मानित करण्यात आले. या स्पर्धेदरम्यान तालुक्यातील विविध पक्षाच्या राजकीय मंडळींनी तसेच पदाधिकारी यांनी उपस्थिती लावली होती. या स्पर्धेचे प्रक्षेपण यु ट्यूबच्या माध्यमातून थेट करण्यात आले होते. या स्पर्धेचे समालोचन संतोष रेनोसे, आकाश शिंदे यांनी केले.