वंध्यत्व स्त्रीचे ओझे नाही डॉ. नरहरी मळगावकर यांचे प्रतिपादन

| मुंबई | प्रतिनिधी |

वंध्यत्व हे केवळ स्त्रीचे ओझे नाही हे ओळखणे आवश्यक आहे. दोष देण्याऐवजी, वंध्यत्वाच्या गुंतागुंतींना समजून तज्ज्ञ व अनुभवी डॉक्टर्सच्या मार्गदर्शनानुसार उपचाराची योग्य दिशा ठरविणे अधिक महत्त्वाचे आहे, असे प्रतिपादन प्रोजेनेसिस फर्टिलिटी सेंटरफचे वैद्यकीय संचालक आणि वरिष्ठ वंध्यत्व निवारण तज्ज्ञ डॉ. नरहरी मळगावकर यांनी केले. महिला दिनानिमित्त कार्यक्रमाचे आयोजन करण्यात आले होते. यावेळी त्यांनी उपस्थितांना मार्गदर्शन केले.

ते पुढे म्हणाले की, स्त्री ही केवळ तिच्या कुटुंबाचीच नव्हे तर राष्ट्राची आधारस्तंभ असते. सशक्त आणि निरोगी महिला समाजाचा कणा असते. तरी देखील महिलांच्या आरोग्य संबंधित अनेक समस्या दुर्लक्षित आहेत. वंध्यत्व हा असाच एक मुद्दा आहे ज्याकडे भारतात अनेकदा दुर्लक्ष केले जाते आणि पुरेसे महत्त्व दिले जात नाही. वंध्यत्वामुळे भावनिक त्रास, चिंता आणि नैराश्य येऊ शकते, ज्यामुळे एकूणच स्त्रीच्या मानसिक आणि सामाजिक आरोग्यावर परिणाम होतो.

ठाणे, नाशिक आणि पुणे येथे अत्याधुनिक आणि आंतरराष्ट्रीय दर्जाच्या आयव्हीएफ सुविधा पुरविणाऱ्या प्रोजेनेसिस फर्टिलिटी सेंटरने नुकतेच पनवेल येथे आपले चौथे अत्याधुनिक सेंटर सुरु केले आहे. ‘नव्या जिवाच्या निर्माणासाठी एक पाऊल पुढे’ या संकल्पनेतून प्रोजेनेसिस फर्टिलिटी सेंटर जन्माला आले. एकाच छताखाली सर्व सुविधा पुरविणारे, आंतरराष्ट्रीय दर्जाचे चे आय.व्ही.एफ. सेंटर अशी प्रसिद्धी प्रोजेनेसिसला मिळालेली आहे. स्थापनेपासून अगदी कमी वेळात सर्वोच्च सक्सेस रेट मिळवणारे सेंटर म्हणून हे सेंटर नावारूपाला आले आहे. गेल्या 10 वर्षात 8 हजारांहून अधिक दाम्पत्यांना प्रोजेनेसिसने’ आई-बाबा’ होण्याचा आणि परिपूर्ण कुटुंबाचा अनुभव प्रदान केला आहे. हाच सक्सेस रेट वंध्यत्व जोडप्यांना उपचार घेण्यासाठी आकर्षित करीत आहे, असेही डॉ. मळगावकर यांनी सांगितले. यावेळी डॉ. नरहरी यांनी अत्याधुनिक उपचारांद्वारे महिलांना सक्षम बनवण्याची आपली वचनबद्धता व्यक्त केली आणि त्यांना मातृत्वाची स्वप्ने पूर्ण करण्याची संधी मिळेल याची खात्री दिली.