एसटीचा वर्धापन दिन साजरा
। नागोठणे । वार्ताहर ।
महाराष्ट्र राज्य परिवहन महामंडळ अर्थात एस.टी.च्या स्थापनेचा 76 वा वर्धापन दिन महामंडळाच्या रोहा आगारा अंतर्गत असलेल्या नागोठणे स्थानकात विविध कार्यक्रमांनी मोठ्या उत्साहात साजरा करण्यात आला. या वर्धापन दिनानिमित्त नागोठणे स्थानकातील प्रवासी चौकशी कक्षाच्या बाहेर प्रवाशांच्या स्वागताचा फलक लाऊन आकर्षक सजावटीसह आकर्षक रांगोळी काढण्यात आली होती. यावेळी स्थानकात उपस्थित असलेल्या प्रवाशांना गुलाब पुष्प देऊन त्यांचे स्वागत करण्यात आले. यावेळी एस.टी. नागोठणे स्थानकातील वाहतुक नियंत्रक प्रसाद पाटील, वाहतूक नियंत्रक गणेश लांगी, निवृत्त पोलिस अधिकारी प्रकाश जाधव, रोहा आगारातील चालक दिनेश पाटील, वाहक केशव बांगारा, पार्किंग परवाना धारक विपुल हेंडे, पोष्ट कर्मचारी मधुकर कांबळे, नागोठणे स्थानकातील सफाई कर्मचारी पुनम लाडगे, जुनेद दफेदार आदींसह प्रवासी यावेळी मोठ्या संख्येने उपस्थित होते.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.