नागोठण्यात भीषण आग; तीन दुकाने जळून खाक

| नागोठणे | वार्ताहर |

छत्रपती शिवाजी महाराज चौकातील एस.टी. स्थानकासमोरील म्हात्रे बिल्डिंगमधील दुकानांना मंगळवारी (दि.11) जून रोजी मध्यरात्री दीड वाजण्याच्या दरम्यान भीषण आग लागली.

या आगीत हॉटेल कल्पनासह तीन दुकाने जळून खाक झाली. आगीमुळे सुमारे सात दुकानांचे प्रचंड नुकसान झाले आहे. अग्निशामक दलाला पाच ते सहा तासांच्या अथक प्रयत्नाने आगीवर नियंत्रण मिळविण्यात यश आले. मंगळवारी (दि.11) जून रोजी मध्यरात्री साधारण 1.30 वाजण्याच्या सुमारास छत्रपती शिवाजी महाराज चौकातील एस.टी. स्थानकासमोरील म्हात्रे बिल्डिंग मधील दुकानांना लागलेली आग ही शॉर्ट सर्किटमुळे लागल्याचा प्राथमिक अंदाज असून यामध्ये हॉटेल कल्पना, केजीएन फुट वेअर, जाखमाता क्लॉथ सेंटर ही तीन दुकानाने जळून खाक झाली असून सर्वांचे प्रचंड नुकसान झाले आहे. आग पसरत गेल्याने लगतच्या दुकानांनाही झळ पोचली आहे. आगीचे वृत्त समजतात रिलायन्स, सुप्रीम कंपनीचे तसेच रोहा नगर पालिकेच्या अग्निशमन गाड्यांच्या सहाय्याने जवानांनी मोठ्या शर्थीने आग विजविण्याचा प्रयत्न केला. त्यांना पाच ते सहा तासानंतर आगीवर नियंत्रण मिळविण्यात यश आले.