। नवी दिल्ली। वृत्तसंस्था ।
हवाई वाहतूक नियामकने बार्बाडोसमध्ये अडकलेल्या भारतीय संघाला घेऊन जाणार्या एअर इंडियाच्या चार्टर्ड फ्लाइटबाबत एअर इंडियाकडून अहवाल मागवला आहे. वास्तविक, असा अहवाल समोर आला आहे की, हे विमान नेवार्क, न्यू जर्सी, अमेरिकेहून दिल्लीला जाणार होते, पण ते बार्बाडोसला पाठवण्यात आले. त्यामुळे नेवार्क विमानतळावरील प्रवाशांचे हाल झाले.
20 विश्वचषक जिंकल्यानंतर भारतीय संघ बेरील वादळामुळे बार्बाडोसमध्ये 3 दिवस अडकला होता. एअर इंडियाच्या चॅम्पियन्स 24 वर्ल्ड कप (24) चार्टर्ड फ्लाइटद्वारे संघाला परत आणले जात आहे. गुरुवारी पहाटे 5 ते 6 या वेळेत ही टीम नवी दिल्लीला पोहोचली. भारतीय संघ 3 जुलै रोजी स्थानिक वेळेनुसार दुपारी 1.13 वाजता चार्टर्ड विमानात चढला.
एअर इंडियाचा दावा- आम्ही प्रवाशांना एक दिवस आधी माहिती दिली होती. याबाबत एअर इंडियाच्या अधिकार्याने सांगितले की, बोईंग 777 विमान बार्बाडोसला पाठवल्यामुळे प्रवाशांची कोणतीही गैरसोय झाली नाही. 2 जुलै रोजी नेवार्क ते दिल्ली फ्लाइटसाठी तिकिट बुक केलेल्या बहुतेक प्रवाशांना आगाऊ माहिती देण्यात आली होती.
अधिकार्याने सांगितले की, काही प्रवाशांना ज्यांना फ्लाइट रद्द झाल्याची माहिती देण्यात आली नव्हती ते विमानतळावर पोहोचले आणि त्यांना रस्त्याने न्यूयॉर्कला नेण्यात आले. त्या प्रवाशांना न्यूयॉर्क ते दिल्लीच्या फ्लाइटमध्ये अॅडजस्ट करण्यात आले.
जसप्रीत बुमराहची पत्नी आणि आयसीसी प्रेझेंटर संजना गणेशनने तिच्या इन्स्टाग्राम स्टोरीवर हा व्हिडिओ शेअर केला. भारतीय संघ सोमवारी भारतात पोहोचण्यासाठी न्यूयॉर्कला जाणार होता, मात्र खराब हवामानामुळे संघाचे वेळापत्रक विस्कळीत झाले. अहवालात म्हटले आहे की, बेरील चक्रीवादळ अटलांटिकमध्ये येत असल्याने ताशी 210 किमी वेगाने वारे वाहत होते. हे श्रेणी 4 वादळ बार्बाडोसच्या पूर्व-आग्नेय पूर्वेला अंदाजे 570 किमी अंतरावर होते .