नियंत्रण सुटल्याने भीषण अपघात; दोन ठार, दोन जखमी

| नंदुरबार | वृत्तसंस्था |

नंदुरबारमधून वाहन चालकाला चालत्या गाडीतच हृदयविकाराचा जोरदार झटका आला. यामुळे चालकाचे वाहनावरील नियंत्रण सुटले आणि भीषण अपघात झाला आहे. या अपघातात दोघांचा मृत्यू झाला आहे.

गुजरातमधील कार नंदुरबारजवळून जात असताना वाहनचालकाला चालत्या गाडीतच ह्रदयविकराचा झटका आला. यामुळे चालकाचे कारवरील नियंत्रण सुटले आणि कारची रस्त्यावरील चौघांना जोरदार धडक बसली. अपघातमध्ये यात एका साठ वर्षीय भंगार विक्रेता आणि आणखी एकाचा जागीच मृत्यू झाला आहे. तर रस्त्याने पायी जाणारे आई आणि मुलगा देखील गंभीर जखमी झाले आहेत. अपघाताची माहिती मिळताच नंदुरबार पोलिसांना घटनास्थळी दाखल झाले आहेत. स्थानिकांच्या मदतीने जखमींना जवळच्या रुग्णालयात तातडीने उपचारासाठी दाखल करण्यात आले आहे.