चॉकलेटचे आमिष दाखवून बालिकेवर अत्याचार

| पनवेल | वार्ताहर |

चॉकलेटचे आमिष दाखवून कळंबोलीमध्ये रविवारी (दि.13) सकाळी साडेअकरा वाजता एका दुकानदाराने 9 वर्षांच्या बालिकेवर अत्याचार करण्याचा प्रयत्न केला. या घटनेची तक्रार पालकांनी कळंबोली पोलीस ठाण्यात नोंदविली आहे. पिडीत बालिका ही कळंबोलीत राहणारी असून तिच्या आईने दिलेल्या तक्रारीनंतर या घटनेला वाचा फुटली.

दुकानामध्ये चॉकलेटचे आमिष दाखवून संशयित आरोपीने बालिकेला दुकानात घेतले. त्यानंतर तिच्यावर अत्याचार करण्याचा प्रयत्न केला. याबाबत बालिकेने घरी पालकांना सांगितल्यावर पोलीस ठाण्यात 48 वर्षीय आरोपीविरोधात गुन्हा नोंदविण्यात आला. कळंबोली पोलीस ठाण्याचे वरिष्ठ पोलीस निरिक्षक राजेंद्र कदम यांनी याप्रकरणी आरोपीविरुद्ध बालकांचे लैंगिक छळ आणि शोषण कायद्याअंतर्गत कारवाई केली.