मतदानाकरिता भरपगारी रजा मंजूर
| रायगड | खास प्रतिनिधी |
जिल्ह्यातील सात मतदारसंघाच्या क्षेत्रातील मतदार यादीत नाव असलेल्या प्रत्येक मतदाराला मतदान करता यावे, यासाठी बुधवार, दि. 20 नोव्हेंबर रोजी लोकप्रतिनिधित्व अधिनियमानुसार भरपगारी रजा देय असल्याचे आदेश जिल्हाधिकारी तथा जिल्हा निवडणूक अधिकारी किशन जावळे यांनी दिले आहेत.
जिल्हाधिकारी तथा जिल्हा निवडणूक अधिकारी यांनी सर्व आस्थापना प्रमुखांना त्यांच्या अधिपत्याखालील सर्व अधिकारी, कर्मचारी, रोजंदारी कर्मचारी यांना भरपगारी रजा मंजूर करण्याचे आदेश दिले आहेत. सदर आदेश हा शासकीय आस्थापना, खासगी आस्थापना, रोजंदारीवरील कर्मचारी आस्थापना, दुकाने, कंपनी अशा सर्व आस्थापनांना लागू आहे, ज्या आस्थापनांमध्ये उक्त कामगारांचे अनुपस्थितीमुळे उक्त आस्थापनांचा धोका निर्माण होऊ शकतो अथवा मोठ्या प्रमाणात तोटा होऊ शकतो अशा कर्मचार्‍यांसाठी लागू नाही, सदर आदेशाचे पालन न करणार्‍या आस्थापना प्रमुख हे कारवाईस पात्र राहतील, सदरहू आदेश हा अन्य जिल्ह्यात काम करणार्‍या, परंतु जिल्ह्याच्या क्षेत्रातील मतदार यादीत नाव असलेल्या मतदारांच्या आस्थापना प्रमुखांनाही लागू होत आहे, असेही आदेशात म्हटले आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.