जानकरांची खोत-पडळकरांवर टीका
। मुंबई । प्रतिनिधी ।
सोलापूर जिल्ह्यातील माळशिरस तालुक्यातील मारकडवाडी हे गाव सध्या चर्चेत आहे. हे गाव सध्या राजकीय घडमोडींचे केंद्र बनले आहे. मॉक पोलिंगचा निर्णय घेतल्यानंतर हे गाव चर्चेत आले आहे. या गावात शरद पवार गेले होते. त्यानंतर महायुतीच्या नेत्यांनी सभा घेतली. यावेळी भाजप जतचे आमदार गोपीचंद पडळकर आणि सदाभाऊ खोत यांनी शरद पवारांवर जोरदार टीका केली होती. त्यांच्या या टीकेला राष्ट्रवादी शरद पवार गटाकडून उत्तर देण्यात आले आहे. माळशिरसचे राष्ट्रवादी शरदचंद्र पवार पक्षाचे आमदार उत्तम जानकर यांनी यावर प्रतिक्रिया दिली आहे.
उत्तमराव जानकर यांनी खोत-पडळकरांवर टीका करत म्हणाले की, असली बारकी-चिरकी 5 उंदीरं पवार साहेब रोज नाश्त्याला खातात. त्याच्या मागे कोण सगळ्यांना माहिती आहे. अशी बारीक उंदरे जाऊन तिथे पवारसाहेबांवर टीका करत असतात. बारक्या उंदरांच्या सुळसुळाटाने काय फरक पडत नाही. कावळ्याच्या शापाने गुरं मरत नाहीत. पवार साहेब पवार साहेब आहेत. त्यांनी भल्याभल्यांना लोळवले आहे. जोपर्यंत बॅलेट पेपरवर निवडणूक होत नाही तोपर्यंत मारकडवाडीमधील आंदोलन सुरूच राहील, असे म्हणत उत्तमराव जानकर यांनी सदाभाऊ खोत आणि गोपीचंद पडळकर यांच्या टीकेला उत्तर दिले आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.