नांदगाव विद्यालयात पासवर्ड वाचन अभियान

। पाली/गोमाशी । प्रतिनिधी ।

युनिक फिचर संस्था पुणे व बल्लाळेश्वर देवस्थान पाली यांच्या संयुक्त विद्यमाने संत नामदेव माध्यमिक विद्यालय कनिष्ठ महाविद्यालय नांदगाव येथे नुकतेच वाचन मेळावा या कार्यक्रमाचे आयोजन करण्यात आले होते.

या कार्यक्रमादरम्यान विद्यार्थ्यांना वृषाली जोगळेकर, स्नेहल भिडे, वसुधा बोरकर यांनी आपल्या कौशल्याच्या आधारे हसत खेळत विद्यार्थ्यांमध्ये वाचनाची आवड निर्माण व्हावी यासाठी विद्यार्थ्यांबरोबर संवाद साधला.

पासवर्ड वाचन अभियानाच्या माध्यमातून धोकेबाज मुलांसाठी भन्नाट खुराकांचा समावेश या पुस्तकात करण्यात आला आहे. या पुस्तकात भन्नाट कथा, भारी अनुभव, थोडी माहिती थोड्या गमती, हे नक्की वाचा, फोटोमधून वाचू शिकू यांचा समावेश करण्यात आला आहे. तसेच, आनंदी वाचन संस्थेच्या वतीने शाळेस सहा हजारची पुस्तके भेट देण्यात आली.

या कार्यक्रमासाठी वृषाली जोगळेकर उपक्रम प्रमुख, स्नेहल भिडे, वसुधा बोरकर, प्राचार्य बबन पालवे, बल्लाळेश्वर देवस्थान विश्वस्त अरुण गद्रे, व्यवस्थापक पद्माकर फाटक विद्यालयातील शिक्षक वृंद आदी मान्यवर उपस्थित होते.