जिल्ह्यातील नगरपंचायतींचे आज आरक्षण सोडत

| अलिबाग | विशेष प्रतिनिधी |
मा राज्य निवडणूक आयोग यांच्याकडील च्या आदेशान्वये खालापूर, तळा, माणगाव, म्हसळा व पोलादपूर या नगरपंचायतीची आरक्षण सोडतीचा कार्यक्रम जाहीर करण्यात आला होता. या आदेशान्वये वरील नगरपंचायतीची आरक्षण सोडतीची कार्यवाही पूर्ण होऊन अंतिम प्रभाग रचना व आरक्षण यापूर्वीच शासन राजपत्रात यापूर्वीच प्रसिध्द करण्यात आलेले आहे. या आदेशामध्ये नगरपंचायतीच्या सदस्य पदांच्या (ना.मा.प्र.) आरक्षणाची सोडत काढणे (नागरिकांचा मागासवर्ग प्रवर्ग व त्यामधील महिला तसेच सर्वसाधारण प्रवर्गातील महिला) आरक्षण सोडतीची कार्यवाही केली जाणार आहे. जिल्ह्यातील उपरोक्त नगरपंचायतीपैकी खालापूर नगरपंचायतीमध्ये एकूण आरक्षण नगरपंचायतीमधील एकूण जागांच्या 50 टक्क्यांपेक्षा अधिक होत असल्याने खालापूर नगरपंचायतीकरीता (परिशिष्ट 1 मधील अ) प्रारूप प्रभाग रचना आरक्षणसह टप्पा क्र 1 अन्वये (बुधवार दि. 10 नोव्हेंबर 2021) रोजी ना.मा.प्र. पदाच्या आरक्षणाच्या सोडतीकरिता नोटीस प्रसिध्द करणे आवश्यक होते. जिल्हाधिकारी डॉ. महेंद्र कल्याणकर यांनी जिल्ह्यातील खालापूर नगरपंचायतीच्या नागरिकांचा मागास प्रवर्ग आणि नागरीकांचा मागास प्रवर्गातील महिला व सर्वसाधारण महिला याकरिता आरक्षण सोडत पुढील नमूद ठिकाणी व नमुद दिनांकास आयोजित करण्यास निर्देश दिले आहेत. त्यानुसार आरक्षण सोडतीचा कार्यक्रम पुढीलप्रमाणे :खालापूर नगरपंचायतीचे आरक्षण प्रांत.अमित नैराळे, मुख्याधिकारी रश्मी चव्हाण यांच्या प्रमुख उपस्थितीत सकाळी 11 नेताजी पालकर सभागृह, तहसिल कार्यालय खालापूर येथे काढले जाणार आहे.

पाली नगरपंचायतीच्या आरक्षण सोडत
जिल्ह्यातील पाली नगरपंचायतीसाठी पहिल्याच सार्वत्रिक निवडणुकीसाठी आरक्षण सोडत काढली जाणार आहे.त्यासाठी शुक्रवारी (11 नोव्हेंबर) रोह्याचे प्रांत यशवंत माने आणि मुख्याधिकारी अंगाई साळुंखे यांच्या उपस्थितीत भक्त निवास क्र.1 पाली नगपंचायत येथे सकाळी 11 वाजता विशेष बैठक आयोजित करण्यात आली आहे.