आराध्याला कराटे स्पर्धेत सुवर्णपदक
| मुंबई | प्रतिनिधी |
महाराष्ट्राच्या आराध्या पांडेयने गुजरातमधील वडोदरा येथे झालेल्या 21 व्या आंतरराष्ट्रीय कराटे अजिंक्यपद स्पर्धेत आपल्या प्रभावी कामगिरीनं भारताचं नाव उंचावलं. वाडो-काई इंडियाद्वारे आयोजित या स्पर्धेत अनेक देशांतील कराटे खेळाडूंनी भाग घेतला. या स्पर्धेत सुवर्ण आणि रौप्यपदक जिंकले. या अजिंक्यपद स्पर्धेत, खेळाडूंची काटा आणि कुमिते या दोन मुख्य श्रेणींमध्ये चाचणी घेतली जाते. काटामध्ये, खेळाडू त्यांचं तंत्र आणि नियंत्रण दाखवतात, तर कुमितेमध्ये, दोन खेळाडू एकमेकांसमोर येतात. कुमितेमध्ये आराध्यानं नेपाळच्या एका खेळाडूला हरवून सुवर्णपदक जिंकलं. तर काटामध्ये, तिनं श्रीलंकेच्या एका खेळाडूला हरवून कांस्यपदक जिंकलं. दोन्ही स्पर्धांमध्ये तिचं तंत्र, आत्मविश्वास आणि शिस्तीचं खूप कौतुक झालं. फोरमोस्ट फायटर कराटे अकादमीच्या इतर विद्यार्थ्यांनीही विविध श्रेणींमध्ये भारतासाठी पदकं जिंकली, ज्यामुळं संघाचं मनोबल आणखी वाढलं. प्रशिक्षक पुरु रावल खेळाडूंच्या कामगिरीवर अत्यंत खूश आहेत. ते म्हणतात की कठोर परिश्रम आणि योग्य मार्गदर्शनानं ही मुलं भविष्यात आणखी मोठं आंतरराष्ट्रीय यश मिळवू शकतात.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.