मुरुडमध्ये रक्तदान शिबीर उत्साहात

| कोर्लई | प्रतिनिधी |

श्री जगद्गुरु नरेंद्र महाराज नाणीज धाम (महाराष्ट्र) यांच्या प्रेरणेने आयोजित जीवनदान महाकुंभ -2026 उपक्रमात दि.4 ते 18 जानेवारीला दरवर्षीप्रमाणे 15 दिवस चालणाऱ्या या महाकुंभाद्वारे रुग्णांना विनामूल्य रक्त उपलब्ध करून देण्याचा महान उपक्रम संस्थानतर्फे राबविण्यात येत आहे. त्याचाच भाग म्हणून तालुक्यातील मुरुड-मजगांव व साळावमध्ये रक्तदान शिबिराचे आयोजन करण्यात आले होते. या उपक्रमांतर्गत शुक्रवारी (दि.16) मुरुड येथील जय मल्हार कोळी समाज हॉलमध्ये जगद्गुरु नरेंद्र महाराज यांना वंदन करून मान्यवरांच्या उपस्थितीत रक्तदान शिबिराचे उद्घाटन करण्यात आले. यावेळी मुरुड तालुका सेवा समिती अध्यक्ष अंकुश वाडकर, जितेंद्र पाटील, नरेंद्र हेदुलकर, मधूकर ठाकूर, अनंत भगत, अंजली जगताप, किशोर भगत, सुधीर पूलेकर, संतोष चोरघे, निखिल पाटील, प्राची पाटील, मधूकर जासुद, बाबा डयला, किरण पाटील, ग्रामस्थ व महिला उपस्थित होत्या. पुणे येथील ओम ब्लड बँकेच्या डॉ. प्रियंका गावडे यांनी व त्यांच्या टिमने रक्त संकलन केले. तसेच आजुबाजूच्या परिसरातील शेकडो रक्तदात्यांनी शिबिरात सहभाग घेऊन रक्तदान केले.