माणुसकीचा आधार ‌‘माऊली’

मोहन धुमाळ : विश्वास आणि कृतीचे नेतृत्व

| अलिबाग | प्रतिनिधी |

काही माणसं अशी असतात की, त्यांना ओळख देण्यासाठी पदांची गरज लागत नाही. त्यांच्या नावापेक्षा मोठी असते त्यांची कामगिरी आणि त्यांच्या उपस्थितीपेक्षा अधिक बोलकी असते त्यांची माणुसकी. मोहन धुमाळ हे असेच व्यक्तिमत्त्व आहे, जे युवा, ज्येष्ठ, महिला आणि सामान्य नागरिक या सगळ्यांच्या मनात आपुलकीने घर करून आहे. म्हणूनच लोक त्यांना केवळ नेता म्हणून नाही, तर प्रेमाने ‌‘माऊली’ म्हणून ओळखतात.

सज्जनता, देवभोळेपणा आणि साधेपणा हे त्यांच्या स्वभावाचे स्थायी गुण आहेत. कोणताही दिखावा नाही, कुठलाही गाजावाजा नाही; पण मदत मात्र नेहमी पुढे. ‌‘माऊली’ ही हाक त्यांच्या नावाआधी आली नाही, ती त्यांच्या कृतीतून जन्माला आली. संकटात माणूस म्हणून उभे राहणारा, नाव न विचारता मदत करणारा आणि गरज संपली की शांतपणे बाजूला होणारा स्वभाव म्हणजेच लोकांच्या दृष्टीने माऊली.

अनेक विद्यार्थ्यांची फी त्यांनी स्वतः भरली. कित्येकांचे शिक्षण अर्ध्यावर थांबू नये म्हणून त्यांनी आधार दिला. कुठेही आपले नाव पुढे न करता ही मदत केली गेली, कारण त्यांच्यासाठी शिक्षण म्हणजे केवळ व्यक्ती घडवणे नव्हे तर, समाज घडवणे होते. म्हणूनच अनेकांच्या आयुष्यात ते शिक्षक नाही, पण माऊली ठरले.
अनेक कुटुंबांच्या घरांच्या उभारणीत त्यांची शांत मदत उभी आहे. कुणाच्या दुःखात फोटो काढले नाहीत, भाषण केले नाही, फक्त गरज होती तिथे माणूस म्हणून उभे राहिले. म्हणूनच लोक म्हणतात की, माऊली मदत करतो तेव्हा सांगत नाही, पण त्याची ऊब आयुष्यभर राहते.

शेतकरी हा त्यांच्या जिव्हाळ्याचा विषय आहे. संकटाच्या काळात शेतकऱ्यांसाठी धावून जाणे, भात सेंटर उपलब्ध करून देणे, कष्टाचा मोबदला शेतकऱ्याच्या हातात यावा यासाठी प्रयत्न करणे हे त्यांच्या कामाचे भाग आहेत. शेतकऱ्यांसाठी ते नेता नाहीत, तर संकटात धावून येणारी माऊली आहेत. विद्यार्थ्यांसाठी सायकली मिळवून देणे असो किंवा युवकांसाठी रामराज प्रीमिअर लीगच्या माध्यमातून संधी निर्माण करणे असो, प्रत्येक ठिकाणी त्यांचा विचार एकच होता. आपले पोर पुढे गेले पाहिजे. नांगरवाडी येथे उभारलेले भव्य मैदान हे केवळ खेळाचे ठिकाण नाही, तर स्वप्नांना पंख देणारे व्यासपीठ आहे. आरोग्याच्या बाबतीतही त्यांनी माणुसकी जपली. विभागासाठी ॲम्ब्युलन्स मिळवून देताना त्यांच्या मनात एकच विचार होता. वेळेवर मदत मिळाली तर एखादे आयुष्य वाचू शकते. अशा क्षणी लोकांना आठवते ती माऊली.

मोहन धुमाळ हे वरून पाहणारे नेतृत्व नाहीत. ते लोकांसोबत उभे राहणारे आहेत. युवा त्यांना मित्रासारखे मानतात, ज्येष्ठ त्यांच्याकडे आधार म्हणून पाहतात आणि सामान्य माणूस त्यांच्यात आपलाच माणूस पाहतो. म्हणूनच मोहन धुमाळ हे केवळ उमेदवार नाहीत.
ते अनेकांच्या शिक्षणाची माऊली आहेत.
ते अनेक घरांचा आधार आहेत.
ते शेतकऱ्यांच्या संघर्षातील सोबती आहेत.
ते युवकांच्या स्वप्नांची माऊली आहेत.
आणि म्हणूनच लोक प्रेमाने एकच हाक मारतात माऊली.