पळसदरी धरणात तरुण बुडाला
। नेरळ । प्रतिनिधी ।
रायगड जिल्ह्यातील कर्जत तालुक्यातील पळसदरी धरण परिसरात मंगळवारी, (दि.21) दुपारच्या सुमारास एक दुर्दैवी घटना घडली असून, तरुण आर्यन थापर हा पाण्यात बुडाल्याची भीती व्यक्त होत आहे. या घटनेमुळे संपूर्ण परिसरात हळहळ व्यक्त केली जात आहे.
आर्यन हा आपल्या मित्रांसह पळसदरी गावात आला होता. दुपारच्या वेळेत सराव आटोपल्यानंतर काही युवक पळसदरी धरण परिसरात गेले. यावेळी काही मुले पाण्यात उतरून पोहण्याचा सराव करत होती. मात्र, पाण्याची खोली आणि परिस्थितीचा योग्य अंदाज न आल्याने आर्यन अचानक खोल पाण्यात गेला आणि काही क्षणांतच नजरेआड झाला. ही बाब लक्षात येताच त्याच्या मित्रांनी तात्काळ आर्यनचा शोध घेण्याचा प्रयत्न केला, मात्र पाण्याची खोली अधिक असल्याने त्यांना यश आले नाही. घटनेची माहिती मिळताच स्थानिक ग्रामस्थ, कर्जत पोलीस ठाण्याचे कर्मचारी आणि बचाव पथक घटनास्थळी दाखल झाले. तसेच खोपोली येथील हेल्प फाउंडेशन या स्वयंसेवी संस्थेचे सदस्य पुढे सरसावले आहेत. सध्या धरण परिसरात युद्धपातळीवर शोधमोहीम सुरू असून, पाण्यात उतरून आर्यनचा शोध घेतला जात आहे. मात्र, अंधार पडल्याने ही मोहीम थांबवण्यात आली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.
