इसमाला 6 महिने सश्रम कारावास आणि दोन हजार रुपयांचा दंड
। अलिबाग । विशेष प्रतिनिधी।
लॉकडाऊनमध्ये संचारबंदी दरम्यान मास्कबंदी असताना मोटारसायकलवरुन अर्धवट रुमाल बांधुन जाणार्या इसमाला अडवले असता पोलिसांच्या अंगावर धावून अरेरावी करीत धमकावून सरकारी कामात अडथळा आणणार्या इसमाला जिल्हा न्यायाधीश-1 व अति.सत्र न्यायाधीश अशोककुमार भिल्लारे यांनी 6 महिने सश्रम कारावास आणि दोन हजार रुपयांचा दंड अशी शिक्षा ठोठावली आहे.
सदरचा गुन्हा हा दि. 24 एप्रिल 2021 रोजी 12.15 वा.चे सुमारास असे या इसमाचे नाव आहे. रेवदंडा पोलिस ठाण्याच्या शिपाई आरती एकनाथ पाटील या कोवीड-19 अनुषंगाने सुरु असलेल्या लॉकडाउन व संचारबंदी दरम्यान नेमुन दिलेला बंदोबस्त करत होत्या. त्यावेळी महेंद्र एकनाथ माहीमकर रा.थेरोंडा, ता.अलिबाग हा मोटार सायकलवरुन अर्धवट तोंडाला रुमाल बांधुन, कोरोना रोगाचा संसर्ग पसरविण्याचा संभव आहे, हे माहित असताना देखील, मौजे चौल येथे फिरत होता.
याबाबत पोलिस शिपाई आरती पाटील यांनी त्याला विचारणा केली असता महेंद्र माहिमकर हा त्यांच्या अंगावर धावुन जावुन अरेरावी करु लागला. व त्यांना धमकवण्याचा प्रयत्न केला व फिर्यादी व साक्षीदार यांचे शासकीय कामात अडथळा निर्माण केला, म्हणून आरोपी यांच्यावर भा.द.वि. 353, 269, 270, 188 सह आपत्ती व्यवस्थापन अधिनियम 2005 चे कलम 51 या कलमांतर्गत गुन्हा दाखल होता. याप्रकरणात फिर्यादी यांनी आरोपीं विरुध्द रेवदंडा पोलीस ठाणे येथे तक्रार नोंदविली. त्यानुसार न्यायालयाने आरोपीला भा.द.वि. 353 प्रमाणे न्यायालयाने आरोपींस दोषी पकडून प्रत्येकी 6 महिने सक्षम कारावास व 2 हजार रुपयांचा दंड ठोठावला आहे. सदर खटल्यात अतिरिक्त सरकारी अभियोक्ता प्रमोद हजारे, यांनी एकूण 5 साक्षीदार तपासले व न्यायालयासमोर सरकारी वकीलांनी सरकारी अधिकारी व कर्मचा-यांवर हल्ल्यांचे प्रमाण वाढल्याने सदर खटल्यांचे गांर्भिय पाहून सदर खटले हे सध्या जिल्हा न्यायालयात चालत असुन तसेच कोरोना कालावधीत पोलीस स्वतःच्या जीवाची पर्वा न करता घटना स्थळी कर्तव्य बजावत होते हा केलेला युक्तीवाद महत्वपूर्ण ठरला. यातील साक्षीदार फिर्यादी आरती एकनाथ पाटील, प्रत्यक्षदर्शी साक्षीदार भारत नाईकवाडे, व तपासिक अंमलदार पोलिस उपनिरीक्षक एस.जी.देठे, रेवदंडा पोलीस ठाणे यांची साक्ष महत्वाची ठरली. तसेच पैरवी कर्मचारी पोलिस हवालदार सचिन खैरनार, पोलिस शिपाई जी.एस.खाडे, मनोहर धुमारे, सिध्देश पाटील यांचे सहकार्य मोलाचे ठरले.