| अलिबाग | प्रतिनिधी |
अलिबाग-मुरुड मेडिकल असोसिएशनचा ‘आम्माकॉन 2023’ हा स्नेहमेळावा अलिबाग जवळील राजमळा येथे नुकताच साजरा करण्यात आला. अलिबाग आणि मुरुड या दोन तालुक्यांतील 159 डॉक्टर्स त्यांच्या कुटुंबियांसमवेत या आनंद मेळाव्यात सहभागी झाले होते.
सांस्कृतिक, शैक्षणिक, स्नेहभोजन अश्या या आम्माकॉन 2023 च्या या स्नेहमेळाव्यासाठी सुप्रसिद्ध प्लास्टीक सर्जन डॉ. नितीन मोकल, महाराष्ट्र आरोग्य विज्ञान विद्यापीठाच्या शैक्षणिक सल्लागार मंडळाचे सदस्य डॉ. मनीष इनामदार, अलिबाग-मुरुड मेडिकल असोसिएशनचे अध्यक्ष डॉ. गणेश गवळी, सचिव डॉ. प्रणाली पाटील, खजिनदार डॉ. अमित बेनकर, डॉ. रेखा म्हात्रे. उपाध्यक्ष, डॉ. संजय पाटील, डॉ. सुनिता पाटील, डॉ. अमेय केळकर, डॉ. निशिकांत ठोंबरे, डॉ. सोनाली नाईक, डॉ. वसीम पेशमाम, डॉ. मनीष म्हात्रे, डॉ. समीर धटावकर, डॉ. उज्वल जैन, डॉ. अनिकेत पाटील, डॉ. भूषण शेळके, डॉ. जुईली टेमकर, डॉ. मयूर कल्याणी, डॉ. निशिकांत आठवले, डॉ. राजाराम हुलवान, डॉ. ओमकार पाटील, डॉ. सुबोध पाटील उपस्थित होते.
यावेळी वैद्यकीय क्षेत्रात बहुमूल योगदान दिल्याबद्दल डॉ. रवींद्र नामजोशी, डॉ. सुरेश पी. म्हात्रे, डॉ. सुरेश गोरेगावकर, डॉ. विष्णू पाटील, डॉ. सुरेश एस. म्हात्रे, यांचा जीवनगौरव देऊन उपस्थित मान्यवरांच्या हस्ते सन्मान करण्यात आला. याचबरोबर विविध क्षेत्रात उल्लेखनीय कामगिरी केल्याबद्दल असोसिएशन च्या सदस्यांचा सत्कार देखील मान्यवरांच्या हस्ते करण्यात आले. अलिबाग मुरुड मेडिकल असोसिएशनच्या माध्यमातून सामाजिक बांधिलकी जपत एक हजार वृक्षलागवड, विविध प्रकारची मोफत आरोग्य शिबीर राबवून तळागाळातील लोकांपर्यंत पोहोचण्याचा प्रयत्न रहाणार असल्याचे मनोगत अध्यक्ष डॉ. गणेश गवळी यांनी व्यक्त केले. कर्यक्रमाची प्रस्तावना डॉ. प्रणाली पाटील, आभार प्रदर्शन डॉ. रेखा म्हात्रे, तर सूत्रसंचालन डॉ. सोनाली नाईक यांनी केले.