| उरण | वार्ताहर |
उलवा नोडमधील सेक्टर 19 प्लॉट नंबर 92, 93 मध्ये मुस्लिम धर्मियांनी बांधलेल्या अनधिकृत शेडबाबतीत महाराष्ट्र नवनिर्माण सेनेतर्फे सिडकोला निवेदन देण्यात आले. मनसे रायगड जिल्हाध्यक्ष संदेश ठाकूर यांनी सिडकोचे अभियंता (द्रोणागिरी/उलवे) एस.एस. गोसावी यांच्याकडे निवेदन दिले. त्या निवेदनात अनधिकृत शेड बाबतीत कारवाई करावी अशी मागणी करण्यात आली. अन्यथा मनसे स्टाईलने आंदोलन करू असा इशारा देण्यात आला. यावेळी मनसेचे जिल्हाध्यक्ष संदेश ठाकूर, जिल्हासचिव केसरीनाथ पाटील, उरण तालुका सचिव अल्पेश कडू,पनवेल तालुका उपाध्यक्ष निर्दोष गोंधळी, उलवा शहराध्यक्ष राहुल पाटील, द्रोणागिरी शहराध्यक्ष रितेश पाटील, विभाग अध्यक्ष तुषार म्हात्रे, दत्तात्रय पाटील आणि महाराष्ट्र सैनिक हजर होते.