कामार्लेत शिंदे गटाला दणका; ग्रामपंचायत सदस्य शेकापमध्ये

| अलिबाग | प्रतिनिधी |

शेतकरी कामगार पक्षाच्या कार्य प्रणालीवर खूश होऊन शिंदे गटातील कामार्ले ग्रामपंचायत सदस्य तुकाराम नाईक यांनी शेतकरी कामगार पक्षात प्रवेश केला आहे. शेकाप प्रवक्त्या चित्रलेखा पाटील यांच्या प्रमुख उपस्थितीत शुक्रवारी (दि.30) सायंकाळी लोणघर येथे पक्ष प्रवेश सोहळा पार पडला. यावेळी तुकाराम नाईक या नवनिर्वाचित कार्यकर्त्याचे जल्लोषात स्वागत करण्यात आले.

शिंदे गटातील मनमानी कारभाराला कंटाळून कामार्ले ग्रुप ग्रामपंचायतीचे सदस्य तुकाराम नाईक यांनी शेतकरी कामगार पक्षात प्रवेश केला. ऐन निवडणूकीत तुकाराम नाईक यांनी शेतकरी कामगार पक्षामध्ये प्रवेश केल्याने शिंदे गटाला मोठा फटका बसला आहे. अलिबाग तालुक्यातील लोणघर येथे शेकाप प्रवक्त्या चित्रलेखा पाटील यांच्या हस्ते तुकाराम नाईक यांचे पुष्पगुच्छ देऊन स्वागत करण्यात आले. यावेळी शेतकरी कामगार पक्षाचे अलिबाग तालूका मच्छीमार संघटनेचे अध्यक्ष परशुराम गजने, कामार्लेचे माजी सरपंच संदीप वाघपंजे, शिवसेना (उद्धव ठाकरे) पक्षातील उप तालुका प्रमुख कैलास गजने, सरपंच अजिता गजने, सदस्य प्रगती शिंगरुत, प्रगती पाटील, गिता नाईक, अनिता पाटील तसेच कामार्लेचे माजी तंटामुक्त अध्यक्ष दिपक गोंधळी, अशोक नागावकर, सुरज पाटील, सुपल पाटील, हेमंत पाटील, सतिश गावंड, आदेश वाघपंजे, नरेंद्र पाटील, उत्तम वगरे, सिताराम नाईक, सागर जाधव आदी शेतकरी कामगार पक्ष, शिवसेना (उद्धव ठाकरे) पक्ष आणि महाविकास आघाडीतील घटक पक्षांचे पदाधिकारी कार्यकर्ते, महिला व तरूण उपस्थित होते.