ज्वारी घेऊन जाणारा ट्रक पलटी

। पनवेल । प्रतिनिधी ।

मुंबई- पुणे द्रुतगती महामार्गावरून ज्वारी घेऊन जाणारा ट्रक पलटी झाल्याची घटना मंगळवारी (दि.16) पहाटे सहा वाजण्याच्या सुमारास घडली. या अपघातात टेम्पो चालकाचा मृत्यू झाल्याची माहिती खांदेश्वर पोलिसानी दिली.

मिळालेल्या माहितीनुसार, ज्वारीने भरलेला ट्रक वाशीच्या दिशेने मुंबई- पुणे एक्सप्रेसवे ने जात होता. पहाटे सहा वाजण्याच्या सुमारास नवीन पनवेल सेक्टर सहा जवळील नेवाळीकडे जाणाऱ्या ब्रिज जवळ आला असता ट्रक ब्रिज वरून खाली कोसळला. हा अपघात एवढा मोठा होता की या ट्रकचे दोन चाक वर अडकले आणि ट्रक खाली कोसळला. या अपघातात ट्रक वरील चालकाचा जागीच मृत्यू झाल्याची माहिती पोलिसांनी दिली तर एक जण गंभीर जखमी झाला आहे. सुदैवाने ज्या वेळेस टेम्पो ब्रिज वरून खाली कोसळला त्यावेळेस या ठिकाणाहून वाहनांची रहदारी कमी होती अन्यथा मोठी दुर्घटना घडली असती.