धक्कादायक! खोक्यात आढळला तरुणाचा मृतदेह

| पुणे । प्रतिनिधी ।

पुण्यातील हडपसर भागात एक धक्कादायक घटना उघडकीस आली आहे. पुठ्ठयाच्या खोक्यात एका तरुणाचा मृतदेह आढळून आला आहे. मृत तरुणाची अद्याप ओळख पटलेली नसून पोलीस अधिक तपास करत आहेत.

शुक्रवारी (दि. 11) हडपसर भागातील हिंगणे मळा परिसरातील कालव्याजवळ तेथील नागरिकांना एक पुठ्ठयाचा खोका आढळला. त्यात एका तरुणाचा मृतदेह हात पाय बांधलेल्या स्थितीत होता. स्थानिकांनी त्वरित याबाबत माहिती पोलिसांना दिली. घटनेची माहिती मिळताच पोलीस घटनास्थळी दाखल झाले. खून झालेल्या तरुणाचे वय अंदाजे 30 ते 35 वर्ष आहे. मात्र, खून झालेल्या तरुणाची अद्याप ओळख पटलेली नाही. पोलीस याबाबत अधिक तपास करत आहेत.