डंपरच्या धडकेत तरुणीचा जागीच मृत्यू

। पुणे । प्रतिनिधी ।

पुण्यातील कोथरूडमध्ये भीषण अपघाताची घटना घडली आहे. रस्ता क्रॉस करत असताना एका तरुणीला डंपरने धडक दिली असता तरुणी खाली पडून तिच्या डोक्यावरून डंपरचे चाक गेले आणि तिचा जागीच मृत्यू झाला.

आरती सुरेश मनवाने (23) हि तरुणी मुळची अमरावती येथील असून ती एरंडे होस्टेल भेलकेनगर कोथरूडमध्ये वसतिगृहात राहत होती. बुधवारी (दि. 09) सकाळी साडेअकरा वाजण्याच्या सुमारास कोकण एक्सप्रेस हॉटेल येथून कर्वे रोडने डिव्हायडर वरून रोड क्रॉस करत होती. त्याचवेळी एका मिक्सर डंपरने तिला धडक दिली. या धडकेने ती खाली पडून चाकाखाली गेली. तिच्या डोक्यावरून डंपरचे चाक गेल्याने तिचा जागीच मृत्यू झाला. या अपघातानंतर मिक्सरचालक घटनास्थळावरून पसार झाला.

या घटनेची माहिती मिळताच पोलीस घटनास्थळी दाखल झाले असून याबाबत अधिक तपास करत आहेत.