अलिबाग-रेवस मार्गावर अपघात; चौघे गंभीर जखमी
। अलिबाग । प्रतिनिधी ।
अलिबाग-रेवस मार्गावर शनिवारी सायंकाळी दोन मोटारसायकलस्वारांची समोरासमोर धडक झाली. यामध्ये दोन्ही बाईकवरील चौघेजण जखमी झाले. त्यांना अधिक उपचारांसाठी मुंबईला नेण्यात आले आहे.
सायंकाळी रेवसकडे जाणारा मोटारसायकलस्वार आणि अलिबागकडे येणारा मोटारसायकलस्वार यांची भीषण धडक झाली. एका मोटारसायकलवरुन तिघेजण प्रवास करीत होते. ही धडक इतकी जोरात होती की दोन्ही वाहनावरील चौघेजण फेकले गेले. त्यामुळे ते गंभीर जखमी झाले. त्यांना तातडीने जिल्हा रुग्णालयात दाखल करण्यात आले. पण प्रकृती गंभीर झाल्याने चौघाजणांनाही तातडीने मुंबईला पाठविण्यात आले. त्यामुळे जखमींची नावे समजली नाहीत.
या अपघातामुळे या मार्गावरील वाहतूक बराच वेळ विस्कळीत झालेली होती. अपघाताची नोंद अलिबाग पोलीस ठाण्यात करण्यात आली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.