वाशी खाडी पुलावर अपघात; तिघांचा जागीच मृत्यू
। नवी मुंबई । प्रतिनिधी ।
वाशी खाडी पुलावर कारची डंपरला धडक लागून भीषण अपघात झाला. हा अपघात शुक्रवारी (दि. 25) पहाटे झाला असून या अपघातात तिघांचा जागीच मृत्यू झाला.
वाशी खाडी पुलावर शुक्रवारी (दि. 25) पहाटे साडेचारच्या सुमारास पनवेलकडून मुंबईच्या दिशेने जाणाऱ्या एर्टीगा चालकाचे वेगावरील नियंत्रण सुटल्याने समोरील एका चालत्या डंपरला जोरदार धडक बसली. ही धडक इतकी भीषण होती की कारचा चुराडा झाला असून या अपघातात तिघांचा जागीच मृत्यू झाला. चंद्रकांत कडंगेची आणि त्यांची पत्नी शिला कडंगेची आणि गणेश उदयसिंग भोसले अशी मृतांची नावे आहेत. अपघातानंतर काही काळ वाहतूक कोंडी झाली होती. पोलिसांनी घटनास्थळी दाखल होत मृतदेह बाहेर काढून शवविच्छेदनासाठी रुग्णालयात पाठवले. तर, अपघातग्रस्त गाडी बाजूला करून वाहतूक सुरळीत करण्यात आली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.