द्रुतगती मार्गावर अपघात; श्री सदस्याचा जागीच मृत्यू
| खोपोली | प्रतिनिध |
खारघर येथील महाराष्ट्र भूषण पुरस्कार सोहळ्यास उपस्थित राहण्यासाठी जात असलेल्या श्री सदस्याचा रस्ता ओलांडत असतांना भरधाव कारची धडक बसून अपघात घडला. यामध्ये चंद्रकांत नरहरी तारळेकर (वय 65, रा. विटा, सांगली) या श्रीसदस्याचा जागीच मृत्यू झाला. रविवारी पहाटे साडेतीन वाजण्याच्या सुमारास ही दुर्दवी घटना घडली.
विटा येथील काही श्री सदस्य रविवारी खारघर येथे आयोजित डॉ. आप्पासाहेब धर्माधिकारी यांच्या पुरस्कार प्रदान सोहळ्यास उपस्थित राहण्यासाठी पुण्याकडून खारघरकडे जात होते. हे सदस्य चहापाणी करण्यासाठी खालापूर टोलनाक्यामागील फुडमॉल येथे थांबले. चहापाणी झाल्यावर हे सदस्य रस्ता ओलांडून पलिकडे जात असताना यातील चंद्रकांत नरहरी तारळेकर यांना पुणे बाजूकडून येणार्या कारचा अंदाज न आल्याने त्यांना कारची जोरदार धडक बसली. यात त्यांचा जागीच मृत्यू झाला. या अपघाताची माहिती ज्या कारची धडक बसली त्याच कार चालकाने कर्तव्य म्हणून द्रुतगती महामार्ग वाहतूक पोलीस व कंट्रोल रूमला दिली. याबाबत खोपोली पोलिसांत अपघाताची नोंद करण्यात आली आहे..
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.