आदेश कोळीचे क्रीडा स्पर्धेत यश
| उरण | प्रतिनिधी |
हरियाणा पंचकुला येथे स्पेशल ऑलम्पिक भारत नॅशनल सायकलिंग स्पर्धा घेण्यात आल्या होत्या. त्यामध्ये महाराष्ट्र राज्याचे प्रतिनिधित्व आदेश राम कोळी यानी केले. आदेश राम कोळी हा उरण येथील हनुमान कोळीवाडातील रहिवाशी असून स्वामी ब्रम्हानंद सी बर्ड विशेष शाळेत शिकत आहेत. त्याने या स्पर्धेत दोन किलोमीटर सायकलिंग स्पर्धेत सिल्व्हर मेडल व तीन किलोमीटर सायकलिंग स्पर्धेत ब्रॉन्झ मेडल पटकाविले आहे.
यावेळी भारतातून एकूण 400 खेळाडू सहभागी झाले होते. त्यातून आदेश कोळी याने या क्रीडा प्रकारात यश प्राप्त केले आहे. आदेश कोळी याच्यावर सर्वच स्तरातून कौतुक व अभिनंदनाचा वर्षाव होत आहे. शाळेच्या ट्रस्टी शिरीष पुजारी, शिक्षिका चारू शहा, छाया, मधुर उपाध्याय, पल्लवी परदेशी, राकेश म्हात्रे, मानसी पांचाळ, प्रशांत कदम, गणेश जाधव यांनी आदेश कोळीचे कौतुक केले. तसेच, आदेश कोळी याला गोपाळ म्हात्रे, दयानंद पावर यांनी मार्गदर्शन केले. त्यामुळे मार्गदर्शकांचेही यावेळी कौतुक व्यक्त करत आभार मानण्यात आले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.