मोफत आयुष्मान भारत कार्डचे वाटप
प्रीतम म्हात्रे यांच्या वाढदिवसानिमित्त कार्यक्रम
| पनवेल | विशेष प्रतिनिधी |
करंजाडेचे माजी सरपंच रामेश्वर आंग्रे यांच्या पुढाकाराने पनवेल पालिकेचे माजी विरोधी पक्षनेते प्रीतम म्हात्रे यांचा वाढदिवसाचे औचित्य साधून सोमवारी (दि.16) करंजाडे येथे मोफत आयुष्मान कार्ड व आयुष्मान भारत कार्ड वाटप कार्यक्रमाचे आयोजन करण्यात आले होते. या कार्यक्रमाचे उदघाट्न प्रीतम म्हात्रे यांच्या हस्ते करण्यात आले. यावेळी या शिबिराचा करंजाडेकरांनी लाभ घेतला.
यावेळी आशा वर्कर प्रगती व शीतल कदम यांनी शिबिराला सहकार्य केले. या कार्यक्रमाला मंगेश बोरकर, माणिक गायकर, सुरेश भोईर, संतोष पाडेकर, योगेश राणे, उमेश भोईर, धोंडू भोईर, विजय आंग्रे, हरेश आंग्रे, सनी आंग्रे, नीलम मोहन भगत, हेमा गोतमारे, नसीम गुलाम शेख, मनीषा सुरवसे, शशांक पोईपकर, केतन आंग्रे, संदीप नागे, मोहम्मद अन्सारी, प्रीतम फडके, महेंद्र गायकर, अक्षय गायकवाड, सागर भोईर आदी उपस्थित होते.
केंद्राच्या आयुष्मान भारत योजनेद्वारे पाच लाखांपर्यंतचे उपचार मोफत केले जातात. दुसरीकडे राज्यात महात्मा जोतिराव फुले जनआरोग्य योजना राबविण्यात येतच होती. आता या दोन्ही योजना एकत्र करण्यात आल्या असून, दोन्ही योजनांचे मिळून एकच आयुष्मान कार्ड देण्यात येत आहे. त्यामुळे सर्वच शिधापत्रिकाधारक आणि महाराष्ट्र राज्याचे रहिवास प्रमाणपत्र असणाऱ्यास या योजनेचा फायदा होणार आहे. या अनुषंगाने माजी सरपंच रामेश्वर आंग्रे यांनी प्रीतम म्हात्रे यांच्या वाढदिवसानिमित्ताने मोफत आयुष्मान कार्ड व आयुष्मान भारत कार्ड वाटप कार्यक्रमाचे आयोजन करण्यात आले होते. यावेळी करंजाडेतील नागरिकांनी या शिबिराला चांगला प्रतिसाद दिला.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.