ब्ल्यू जेटमधून आणखी एक मृतदेह बाहेर काढण्यात यश
| महाड | प्रतिनिधी |
ब्ल्यू जेट कारखान्याच्या दुर्घटनाग्रस्त प्लँटमधून सोमवारी आणखी एक मृतदेह बाहेर काढण्यात आला. त्यामुळे मृतांचा आकडा हा आठवर पोचला आहे. अद्याप तीन व्यक्ती बेपत्ता आहेत.
शुक्रवारी झालेल्या स्फोटानंतर अकरा व्यक्ती प्लँटमध्ये अडकल्या असल्याचे निष्पन्न झाले होते. शनिवारी दुपारपर्यंत त्यापैकी सात जणांचे मृतदेह काढता येणे शक्य झाले. मात्र उर्वरित व्यक्ती अडचणीच्या ठिकाणी असल्याने त्यांचा शोध घेता आला नाही. त्यानंतर मृतदेह शोधण्याचे काम थांबवून शोधकार्यात अडथळा ठरणारे ड्रम, कोसळलेले स्लॅब हटविण्याचे काम सुरु करण्यात आले होते. मृतदेहाची ओळख पटलेली नाही, त्यामुळे डीएनए चाचणी करण्यासाठी तो मृतदेह पनवेल येथे पाठविण्यात येणार आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.