। गडब । वार्ताहर ।
वडखळ, गडब, खारपाले विभागात महाविकास आघाडी पुरस्कृत शेकापचे उमेदवार अतुल म्हात्रे यांच्या प्रचार रॅलीने विरोधकांच्या पायाखालची जमीन सरकली आहे. यावेळी प्रत्येक कार्यकर्ता मनापासून काम करीत आहे. कार्यकर्त्यांकडून दिवसेंदिवस वाढत असलेला पाठिंबा तसेच प्रचारादरम्यान कार्यकर्त्यांचा उत्स्फूर्त सहभाग पाहता अतुल म्हात्रे यांचा विजय मोठ्या मताधिक्याने होणार असल्याचे स्पष्ट दिसून येत आहे, असे वक्तव्य जिल्हा परिषदेचे माजी अर्थ व बांधकाम सभापती संजय जांभळे यांनी केले आहे.
यावेळी माजी अर्थ व बांधकाम सभापती संजय जांभळे यांच्या नेतृत्वाखाली महाविकास आघाडीचे उमेदवार अतुल म्हात्रे यांच्या प्रचारासाठी कारावी, गडब, ढोंबी, खारपाले, कोलेटी विभागात रॅली काढण्यात आली होती. यावेळी ते बोलत होते.
या रॅलीला अतुल म्हात्रे यांना उत्स्फूर्त प्रतिसाद लाभला. शेकापसाठी वातावरण निर्मित होऊन कार्यकर्त्यांमध्ये जोश निर्माण झाला होता. तसेच, महिलावर्गाची उपस्थितीदेखील लक्ष वेधून घेत होती. यावेळी माजी अर्थ व बांधकाम सभापती संजय जांभळे, उमेदवार अतुल म्हात्रे, निलेश म्हात्रे आदींसह महाविकास आघाडीचे कार्यकर्ते मोठ्या संख्येने उपस्थित होते.
अतुल म्हात्रे निवडून येणारः संजय जांभळे
