शुभ वर्तमान; यंदाही तो बरसणार

कधी रिमझिम, कधी धोधो तर कधी ओढ लावणार
| नवी दिल्ली | वृत्तसंस्था |
कधी रिमझिम,कधी धोधो नाहीतर कधी मनाला ओढ लावणारा.एखाद्या कवी मनाला शोभेल असं वर्णन त्याचं करावं तेवढे थोडंच असतं.कारण तो यंदाही आपला लहरीपणा दाखविणार आहे.पण तो यावेळीही समाधानकारक बरसणार आहे.यावर्षीच्या वरुणराजाचं भाकित स्कायमेट या खाजगी संस्थेने जाहीर करुन सर्वानाच दिलासा दिला आहे. मोसमी पावसाला अद्याप चार महिने बाकी आहेत.पण दरवर्षी विविध संस्था निसर्गाच्या लहरीपणाचा अभ्यास करुन आपले निरीक्षण नोंदवित असतात.त्याच प्रमाणे स्कायमेट या संस्थेने देखील यावर्षीच्या पावसाळ्याचा अंदाज व्यक्त केला आहे. या अंदाजामुळे शेतकर्यांना मोठा दिलासा मिळणार आहे.

2012 पासून ङ्गस्कायमेटफ ही संस्था मान्सूनचा अंदाज व्यक्त करते. 2020 चा अपवाद वगळता मागील 9 वर्ष मान्सूनचे अंदाज हे सर्वसाधारणपणे एप्रिल महिन्यात व्यक्त केले जातात. यंदाही एप्रिल महिन्यातच 2022 च्या मान्सूनचे सविस्तर अंदाज व्यक्त करणार आहे. मात्र प्राथमिक अंदाजात यंदा संपूर्ण देशभरात समाधानकारक पाऊस पडेल, असे या संस्थेने म्हटलं आहे. सध्या संस्थेकडून मान्सूनचे प्राथमिक आकड्यांची नोंद करत आहे. त्यामुळे आता जाहीर केलेली अंदाज हा प्राथमिक आहे. मागील काही वर्षांमध्ये मान्सूनचे आगमन, तीव्रता, कालावधी यामध्ये मोठे बदल होत आहेत. मागील दोन मान्सूनवर ङ्गला निना ङ्गचा प्रभाव पडला. मात्र यंदा मान्सून सरासरी 97 ते ते 104 टक्के राहिल, असा अंदाज व्यक्त करण्यात आला आहे.

मागील सलग दोन वर्ष मान्सूनवर ङ्गला निना ङ्ग चा प्रभाव जाणवला. समुद्रा सपाटीवरील तापमान वाढेल मात्र यावर्षी लानिनाचा प्रभाव पडणार नाही. यंदा मान्सून सामान्य राहणार आहे. प्रशांत महासागरातील तापमानाची नकारात्मक स्थिती कमी होताना दिसत आहे. प्रशांत महासागरामधील परिस्थिती या वर्षी सामन्य पाऊस पडेल. – जी. पी. शर्मा, स्कायमेट संचालक

15 वर्षापासून हवामानाचे निरीक्षण
मागील 15 वर्षांपासून स्कायमेटकडून हवामानाचे विश्‍लेषण केले जाते. हे अंदाज महाराष्ट्र सरकार, गुजरात सरकार यांच्यासह एनएसडीएमए, एसबीआय, यूएसएआयडी, रिलायंस इंफ्रा, वर्ल्ड बँक एडीएफसी, ईआरजीओ, आयएफसी, कृषी विमा महामंडळ, आयसीआयसाय आदी कंपनींच्या नियोजनात महत्वाची भूमिका बजावतात..