बा.ना. हायस्कूल आवासचा पारितोषिक वितरण
| खारेपाट | वार्ताहर |
बा. ना. हायस्कूल व ज्युनियर कॉलेज आवासचा पारितोषिक वितरण समारंभ आ. सा. धो. रहिवासी हितवर्धक मंडळाचे उपाध्यक्ष जयंत चेऊलकर यांच्या अध्यक्षते खाली संपन्न झाला. याप्रसंगी स्नेहसंमेलन, रांगोळी स्पर्धा, प्रश्‍न मंजुषा स्पर्धा, विज्ञान प्रदर्शन, विद्यार्थी दिन व क्रिडास्पर्धेतील यशस्वी विद्यार्थ्यांना पारीतोषिके देऊन गौरविण्यात आले. तसेच एस.एस.सी. व एच. एस. सी.परीक्षा मार्च 2023 मध्ये विद्यालयातून प्रथम, द्वितीय, तृतीय क्रमांकाने उत्तीर्ण झालेल्या विद्यार्थ्यांना आणि शालेय क्रिडास्पर्धेत विभागीय स्तरावर यशस्वी झालेल्या विद्यार्थ्यांना पारितोषिके देऊन गौरविण्यात आले.
लायन्स क्लब फेस्टीवलमधील नृत्य स्पर्धेत विद्यालयातील यशस्वी झालेल्या विद्यार्थ्यांना पारितोषिके देण्यात आली. याप्रसंगी विद्यालयातील सहाय्यक शिक्षक आशिष राणे यांचा लायन्स क्लब आयोजीत निबंध स्पर्धेत तृतीय क्रमांक आल्या बद्दल सत्कार करण्यात आला. कार्यक्रमास अभिजीत राणे, सुवर्ण कांबळी, प्रभाकर म्हात्रे, परशुराम म्हात्रे, दिपक राऊळ, जयवंत म्हात्रे, मोरेश्‍वर म्हसकर, मुख्याध्यापक प्रमोद भगत, अनिल दारकुंडे, दिव्या भगत, गणेश राणे, सुनिल मोरे, नथुराम म्हात्रे, सर्व शिक्षक, शिक्षकेतर कर्मचारी आणि विद्यार्थी उपस्थित होते. कार्यक्रमाचे सूत्रसंचालन अजित नाईक तर आभार प्रदर्शन गणेश राणे यांनी केले.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.