प्रतिबंधित पानमसाला, तंबाखू जप्त

| पनवेल | प्रतिनिधी |

पनवेल शहरातील ठाणा नाका परिसरातील नवरतन पान शॉपमध्ये प्रतिबंधित पानमसाला, सुगंधित तंबाखू व जर्द्याचा साठा करून विक्री केल्याप्रकरणी पनवेल शहर पोलिसांनी दोघांविरोधात गुन्हा दाखल केला आहे. अन्न सुरक्षा अधिकारी सचिन आढाव यांच्या तक्रारीवरून सुरेश गुप्ता (47) व त्याच्या साथीदाराविरोधात गुन्हा दाखल करण्यात आला आहे. ठाणा नाका येथील सिटी वाईन्सलगत असलेल्या नवरतन पान शॉपमध्ये हा प्रकार आढळून आला. पोलिसांनी केलेल्या कारवाईत रजनीगंधा पानमसाला, तुळसी जर्दा, विमल पानमसाला, व्ही-1 तंबाखू, राजश्री पानमसाला आणि डबल ब्लॅक तंबाखू अशा विविध प्रतिबंधित पदार्थांचा साठा जप्त करण्यात आला. जप्त मुद्देमालाची एकूण किंमत सुमारे 1,981 रुपये आहे. या प्रकरणी गुन्हा दाखल करण्यात आला आहे.