| मुंबई । वृत्तसंस्था ।
श्रीलंकेचा क्रिकेट संघ वर्षाच्या सुरुवातीला भारताच्या दौर्यावर येणार आहे. जिथे दोघांमध्ये पहिल्या तीन सामन्यांची टी-20 आणि नंतर एकदिवशीय मालिका तितक्याच सामन्यांची खेळली जाणार आहे. 3 जानेवारीला टी-20 मालिकेतील पहिला सामना मुंबईतील वानखेडे स्टेडियमवर होणार आहे. कोरोना विषाणूच्या नवीन संसर्गामुळे मुंबईत कोरोनाला रोखण्यासाठी नवीन मार्गदर्शक तत्त्वे जारी करण्यात आली आहेत. काही देशांतून येणार्या लोकांसाठी पुन्हा आरटी पीसीआर चाचणी आवश्यक करण्यात आली आहे.
भारत आणि श्रीलंका यांच्यातील पहिला टी 20 सामना मुंबईच्या वानखेडे स्टेडियमवर खेळवण्यात येणार आहे. ज्यासाठी पेटीएम इनसाइडरवर तिकीट विक्री सुरू झाली आहे. दरम्यान, यावेळी प्रेक्षक आणि खेळाडूंसाठी कोरोना प्रादुर्भावाच्या पार्श्वभूमिवर काही नियम पुन्हा लागू होण्याची शक्यता वर्तवण्यात येत आहे. मुंबईच्या वानखेडे स्टेडियमवर प्रेक्षकांची संख्येवर जरी मर्यादा नसल्या तरी मास्क घालणे अनिवार्य केले जाण्याची शक्यता आहे. तसेच, ज्येष्ठ व्यक्तींना आजारांनी ग्रस्त असलेल्या लोकांना प्रवेश नाकारण्यात येईल.
बीसीसीआय क्रिकेटपटूंसाठी जुने नियम देखील लागू करू शकते, जसे की प्रेक्षकांच्या जवळ न जाण्याचा सल्ला. खेळाडूंना त्यांच्यासोबत फोटो काढू नका आणि बाहेरील व्यक्तींना भेटू नका असे सांगितले जाऊ शकते. मुंबईत कोरोना विषाणूच्या नवीन प्रकाराबाबत नवीन मार्गदर्शक तत्त्वे जारी करण्यात आली आहेत. लोकांनी गर्दीच्या ठिकाणी गेल्यास मास्क लावा, सोशल डिस्टन्सिंगचे नियोजन करा, असे आवाहन बीएमसीने केले आहे. वारंवार हात धुवा आणि स्वच्छतेची काळजी घ्या. जर एखाद्यामध्ये कोरोनाची लक्षणे असतील तर त्याने घराबाहेर पडू नये. वृद्धापकाळाने आणि इतर कोणत्याही आजाराने ग्रस्त असलेल्या लोकांना अधिक काळजी घेण्याचा सल्ला देण्यात आला आहे.
बीसीसीआयच्या नव्या गाईडलाईन्स
![](https://krushival.in/grygrars/2022/12/BCCI.jpg)