सोलापूर : शेतकरी कामगार पक्षाचे सोलापूर जिल्हा चिटणीस भाई सुभाष डुरे – पाटील यांचे अल्पशा आजाराने वयाच्या ७९ व्या वर्षी त्यांच्या मूळगावी इर्ले येथे निधन झाले . माजी खासदार कै. भाई उद्धवराव पाटील , कै. गणपतराव देशमुख यांच्या प्रेरणेने, माजी आमदार कै .भाई चंद्रकांत निंबाळकर यांच्या साथीने भाई सुभाष डुरे – पाटील यांनी आजीवन शेतकरी कामगार पक्षाचा लाल बाबटा आपल्या खांद्यावरून खाली येवू दिला नाही.
सुभाष डुरे – पाटील यांनी जि.प.सदस्य, जिल्हा दूध संघाचे संचालक म्हणून अतिशय उत्तम कार्य केले होते. त्यांच्या पार्थिवावर त्यांच्या मूळगावी इर्ले येथे बुधवार दि .८ रोजी सकाळी ९ वाजता अंत्यसंस्कार करण्यात येणार आहेत. त्यांच्या पश्चात पत्नी, दोन भाऊ, एक बहीण, मुलगा सून, नातवंडे असा परिवार आहे.